خۇاۋېي ئاڭلىق تۇرمۇشى ۋە مەخپىيەتلىك ھەققىدە بايانات
يېڭىلانغان ۋاقتى: 2022-يىلى 2-ئاينىڭ 28-كۈنى
خۇاۋېي ئاڭلىق تۇرمۇشى بولسا خۇاۋېي يۇمشاق دېتال تېخنىكا چەكلىك شىركىتى (تۆۋەندە قىسقارتىلىپ «بىز» ياكى «خۇاۋېي» دېيىلىدۇ) سىزنى ئاڭلىق ئۈسكۈنە تىزگىنلەش ۋە باشقۇرۇش مۇلازىمىتى بىلەن تەمىنلەيدىغان ئەپتۇر. خۇاۋېي شەخسىي ئۇچۇر ۋە مەخپىيەتلىكىڭىزنى قوغداشقا ئىنتايىن كۆڭۈل بۆلىدۇ، قانۇن تەلىپى ۋە كەسىپنىڭ پىشقان بىخەتەرلىك ئۆلچىمىگە ئاساسەن، شەخسىي ئۇچۇرىڭىز ئۈچۈن ماس بىخەتەرلىك قوغداش تەدبىرى تەمىنلەيمىز.
كەسىپ تەرەققىياتىنى ئەلالاشتۇرۇش ئۈچۈن مەخپىيەتلىك باياناتىنى يېڭىلىدۇق، مەخپىيەتلىك باياناتىدىكى ئۆزگەرتىلگەن مەزمۇنلارنى ئەستايىدىل ئوقۇڭ:
1. خۇاۋېي ئاڭلىق تۇرمۇشىدىكى شەخسىي ئۇچۇرلارنى بىر تەرەپ قىلغۇچى خۇاۋېي تېرمىنال چەكلىك شىركىتىدىن خۇاۋېي يۇمشاق دېتال تېخنىكا چەكلىك شىركىتىگە ئۆزگەرتىلدى. خۇاۋېي يۇمشاق دېتال تېخنىكا چەكلىك شىركىتى شەخسىي ئۇچۇر بىر تەرەپ قىلىش مەجبۇرىيىتىنى داۋاملىق ئادا قىلىدۇ، سىز بۇ مەخپىيەتلىك باياناتىنىڭ «بىز بىلەن ئالاقىلىشىش» بابىدا بايان قىلىنغان ئۇسۇللارغا ئاساسەن بىز بىلەن ئالاقىلەشسىڭىز بولىدۇ.
2. ئاڭلىق ئۈسكۈنە بۇلۇت مۇلازىمىتى بابىغا PPP ھېسابات ئۇچۇرلىرى قاتارلىق روتېر ئۈسكۈنىلىرى توپلىغان شەخسىي ئۇچۇرلار ۋە شەخسىي ئۇچۇرلارنىڭ بىر تەرەپ قىلىنىش ئۇسۇلى تولۇقلاندى.
3. پۈتۈن ئۆي ئاڭلىق تارماق سىستېمىسىدىكى ئورۇنغا ئاساسلانغان مۇلازىمەتلەرنىڭ ئىقتىدارىغا مۇناسىۋەتلىك چۈشەندۈرۈش ۋە تەخمىنىي ئورۇن ئۇچۇرىنى توپلاش ۋە ئىشلىتىش چۈشەندۈرۈشى قوشۇلدى.
•خۇاۋېي ھېسابى ئۇچۇرىڭىزنى ئىشلىتىپ «ئاڭلىق تۇرمۇش» ئەپى مۇلازىمىتېرىنىڭ زىيارەت ئىجازىتىگە ئېرىشىمىز، ئەگەر خۇاۋېي ھېسابى ئۇچۇرىنى تەمىنلىمىسىڭىز، «ئاڭلىق تۇرمۇش» تەمىنلىگەن بىر قىسىم مۇلازىمەتنى ئىشلىتەلمەيسىز.
•ئاڭلىق ئۈسكۈنە باشقۇرۇش ئاساسىي مۇلازىمىتى، ئىشلەتكۈچى كۆرۈنۈشى، ئۆي باشقۇرۇش ۋە مەسىلە ئىنكاس قىلىش قاتارلىق ئىقتىدارلارنى ئېلىپ بېرىش ئۈچۈن شەخسىي ئۇچۇرىڭىزنى توپلايمىز، تەپسىلاتى تۆۋەندە تەسۋىرلەنگەندەك.
•بىز يەنە سىزنى بازار، مۇنبەر ۋە ئىشلەتكۈچى تەسىراتىنى ياخشىلاش پىلانى بىلەن تەمىنلەيمىز، كونكرېت ئەھۋاللار تۆۋەندە بايان قىلىنىدۇ.
•بىز ئېكولوگىيە ھەمراھىمىز بىلەن بىرلىشىپ سىزنى ئۈسكۈنىلەرنى ئورتاقلىشىش ئىقتىدارى بىلەن تەمىنلىدۇق، تېخىمۇ ئەلا مۇلازىمەت بىلەن تەمىنلەش ئۈچۈن، ئۈسكۈنە ئۇچۇرىڭىزنى ئېكولوگىيە ھەمراھىمىزغا ئورتاقلىشىمىز.
•سىزنىڭ خۇاۋېي ھېسابى ئۇچۇرىڭىزنى ئىشلىتىمىز، شۇنداقلا «ئاڭلىق تۇرمۇش» ئەپىنىڭ ئۇچۇرى ۋە ئۇنىڭدىكى باغلانغان ئۈسكۈنىنىڭ ئۇچۇرىنى ئىشلىتىپ، ئىقتىدارنى ياخشىلايمىز ھەمدە سىزنى خاسلاشتۇرما تەۋسىيە بىلەن تەمىنلەيمىز، كونكرېت ئەھۋاللار تۆۋەندە بايان قىلىنىدۇ.
•پائالىيەتكە قاتنىشىپ مۇكاپات بۇيۇم ياكى سوۋغات قاتارلىق مۇكاپاتلارغا ئېرىشكەندە، سىزگە مۇكاپات بۇيۇمىنى ئەۋەتىش ئۈچۈن، ئۈچىنچى تەرەپ توشۇش شىركەتلىرىگە ئالاقە ئۇسۇلىڭىزنى تەمىنلىشىمىز كېرەك، كونكرېت ئەھۋاللار تۆۋەندە بايان قىلىنىدۇ.
1 شەخسىي ئۇچۇرىڭىزنى توپلاش ۋە ئىشلىتىش ئۇسۇلىمىز
توپلايدىغان شەخسىي ئۇچۇرلارنىڭ (https://privacy.consumer.huawei.com/legal/smarthome/privacy-statement.htm?code=CN&language=ug-cn&branchid=999&contenttag=di)تىزىملىكىنى زىيارەت قىلىپ، تولۇق مۇلازىمەتتە شەخسىي ئۇچۇرلىرىڭىزنى توپلاش ۋە ئىشلىتىشىنىڭ ئاساسىي ئەھۋالىنى تېزلىكتە چۈشەنسىڭىز بولىدۇ. ھەرقايسى ئىقتىدارلارنىڭ شەخسىي ئۇچۇرلارنى توپلىشى ھەققىدىكى تەپسىلاتلارنى تۆۋەندىكى چۈشەندۈرۈشتىن كۆرسىڭىز بولىدۇ.
1.1 «ئاڭلىق تۇرمۇش» ئارقىلىق سىزگە تۆۋەندىكى كەسىپ ئىقتىدار/مۇلازىمەتلىرىنى تەمىنلەيمىز، مۇناسىۋەتلىك كەسىپ ئىقتىدار/مۇلازىمەتلىرىنى ئىشلىتىش جەريانىڭىزدا، توختام تۈزۈش/توختامدىكى مەجبۇرىيىتىمىزنى ئادا قىلىش ئۈچۈن، ئىقتىدار/مۇلازىمەت تەمىنلەشتە زۆرۈر بولغان تۆۋەندىكى ئۇچۇرلارنى بىر تەرەپ قىلىمىز. مۇناسىۋەتلىك ئۇچۇرلارنى تەمىنلىمىسىڭىز، بۇ ئەپنىڭ مۇناسىۋەتلىك ئىقتىدار/مۇلازىمەتلىرىنى ئىشلىتىشىڭىزگە تەسىر يېتىدۇ، ئاڭلىق تۇرمۇشنىڭ ئاساسىي ئىقتىدار/مۇلازىمەتلىرىنىڭ تەپسىلاتى تۆۋەندە كۆرسىتىلگەندەك.
1.1.1 ھېساباتقا كىرىش
«ئاڭلىق تۇرمۇش» مۇلازىمىتىنى ئىشلەتكىنىڭىزدە، ئاڭلىق ئۈسكۈنىلەرنى باشقۇرغىنىڭىزدا، تۆۋەندىكى ئۇچۇرلىرىڭىزنى توپلايمىز: خۇاۋېي ھېسابىڭىزنىڭ ئىشلەتكۈچى نامى، كىرىش مەخپىي نومۇرى، نام، باش سۈرەت. بۇنىڭ ئىچىدە مەخپىي نومۇر شەخسىي سەزگۈر ئۇچۇرغا تەۋە، بۇ خىل ئۇچۇرنى توپلاشتىكى مەقسەت خۇاۋېي ھېسابى مۇلازىمىتېرىغا كىرىپ ئىشلەتكۈچى سالاھىيىتىنى دەلىللەپ، «ئاڭلىق تۇرمۇش» ئەپىنىڭ مۇلازىمىتېرنى زىيارەت قىلىش ئىجازىتىگە ئېرىشىش ئۈچۈندۇر.
تۆۋەندىكى ئۇسۇل بويىچە شەخسىي ئۇچۇرىڭىزنى ئىشلىتىمىز: كىرگۈزگەن خۇاۋېي ھېسابى ئىشلەتكۈچى نامى ۋە كىرىش مەخپىي نومۇرى دەلىللەش ئۇچۇرى خۇاۋېي مۇلازىمىتېرىغا مەخپىيلەشتۈرۈپ ئەۋەتىلىپ دەلىللىنىدۇ، ئەپنىڭ يەرلىكىدە ۋە مۇلازىمىتېردا كىرگۈزگەن ئۇچۇرىڭىز ساقلانمايدۇ.
بۇ خىل ئۇچۇرلارنى تەمىنلىمىسىڭىز، خۇاۋېي ھېسابىغا كىرمىسىڭىز، «ئاڭلىق تۇرمۇش» كەسپىنى ئىشلىتەلمەيسىز. خۇاۋېي ھېسابىغا كىرگەندىن كىيىن، «ئاڭلىق تۇرمۇش» ئەپى ھېسابات نامى ۋە باش سۈرەتكە ئۆزلۈكىدىن ئېرىشىدۇ، ھەمدە ئەپ بېتىدە كۆرسىتىدۇ.
1.1.2 ئاڭلىق ئۈسكۈنە باشقۇرۇش ئاساسىي مۇلازىمىتى
ئاڭلىق ئۈسكۈنىنى بايقاش ھەمدە WLAN تورىغا ئۇلاش ئۈچۈن، «ئاڭلىق تۇرمۇش» ئەپى يانفون ئورۇن ئىجازىتىنى زىيارەت قىلىپ، WLAN تىزىملىكى ۋە كىرگۈزگەن WLAN نامى، WLAN مەخپىي نومۇرىغا ئېرىشىدۇ. بۇنىڭ ئىچىدە WLAN مەخپىي نومۇرى شەخسىي سەزگۈر ئۇچۇرغا تەۋە. يۇقىرىقى ئۇچۇرلار پەقەت يەرلىكتە ئىشلىتىلىدۇ، مۇلازىمىتېرغا يۈكلەنمەيدۇ.
ئۈسكۈنىگە باغلاشقا قولاي بولۇش ئۈچۈن، «ئاڭلىق تۇرمۇش» ئەپىدە «مەخپىي نومۇرنى ئەستە تۇتۇش» نى تەڭشىسىڭىز بولىدۇ، WLAN مەخپىي نومۇرى «ئاڭلىق تۇرمۇش» ئەپىدە مەخپىيلەشتۈرۈلۈپ يەرلىكتە ساقلىنىپ، كېلەر قېتىم ئۈسكۈنە باغلاشقا ئىشلىتىلىدۇ، WLAN مەخپىي نومۇرىنى قايتا كىرگۈزۈش ھاجەتسىز. ئەگەر «مەخپىي نومۇرنى ئەستە تۇتۇش» نى تەڭشىمىسىڭىز، ئۈسكۈنە باغلاش ئىقتىدارىغا تەسىر يەتمەيدۇ.
ئەگەر سىز WLAN نامى ۋە WLAN مەخپىي نومۇرىغا ئاپتوماتىك ئېرىشىشنى قوللايدىغان خۇاۋېي يانفونى ياكى روتېر ئىشلەتسىڭىز، WLAN نامى ۋە WLAN مەخپىي نومۇرى ئاپتوماتىك تولدۇرۇلۇپ، ئۈسكۈنە باغلاشقا ئىشلىتىلىدۇ.
ئاڭلىق ئۈسكۈنە باغلاش، تىزگىنلەش ۋە باشقۇرۇش ئىقتىدارىنى ئەمەلگە ئاشۇرۇش ئۈچۈن، تۆۋەندىكى ئۇچۇرلىرىڭىزنى توپلايمىز: ئۈسكۈنە نامى، تىپى، نەشرى، ئىشلەپچىقارغان زاۋۇت، ئۈسكۈنە پەرقلىگۈچ، MAC ئادرېس، IP ئادرېس، ئۈسكۈنە مەشغۇلات ھالىتى، ئۈسكۈنىنىڭ خاسلاشتۇرۇلغان تەڭشەك پارامېتىرى، كەسىپ ۋەقەلىرى ۋە ئۈسكۈنە تىزگىنلەش ۋە ئىشلىتىش خاتىرىسى. بۇ خىل ئۇچۇرنى توپلاشتىكى مەقسەت ئاڭلىق ئۈسكۈنىنى باغلاش، ئۈسكۈنىنى تىزگىنلەش ۋە باشقۇرۇش ھەمدە ئۈسكۈنە خۇسۇسىيىتى ۋە پارامېتىرىنى تەڭشەش، ئۈسكۈنە خىزمەت ھالىتى ۋە تارىخىي خاتىرىنى كۆرۈش، ئۈسكۈنە ۋە مۇلازىمەتنى يۈرۈشتۈرۈش ھالىتىنى ئىستاتىستىكىلاش، تەكشۈرۈش ۋە تەتقىق قىلىش، ئاڭلىق ئۈسكۈنە سۈپىتى ۋە مۇلازىمىتىنى ياخشىلاش.
شەخسىي ئۇچۇرىڭىزنى تۆۋەندىكى ئۇسۇلدا ئىشلىتىمىز: يۇقىرىقى ئۇچۇرلار مۇلازىمىتېرغا مەخپىيلەشتۈرۈپ يوللىنىدۇ ۋە ساقلىنىدۇ، «ئاڭلىق تۇرمۇش» ئەپى ئىجازىتىڭىزگە ئاساسەن مۇلازىمىتېردىن ئۇچۇر تەكشۈرىدۇ ۋە ئۈسكۈنە بېتىدە كۆرۈنىدۇ.
بۇ خىل ئۇچۇرنى تەمىنلىمىسىڭىز، خۇاۋېي «ئاڭلىق تۇرمۇش» ئەپىنىڭ بايقاش، باغلاش، تىزگىنلەش ۋە باشقۇرۇش ئىقتىدارىنى ئىشلىتەلمەيسىز.
يۇقىرىقى مەلۇماتلارنى يىغىدىغان ئۈسكۈنىلەر تۆۋەندىكىلەرنى ئۆز ئىچىگە ئالىدۇ:
روتېر تۈرىدىكى ئۈسكۈنىلەر، تۈرلۈك ئۆي روتېرى، ئېلىپ يۈرۈشكە بولىدىغان WiFi قاتارلىقلارنى ئۆز ئىچىگە ئالىدۇ.
يورۇتۇش تۈردىكى ئۈسكۈنىلەر، يورۇتۇش چىرىغى، مەنزىرە چىرىغى، ئۈستەل چىرىغى، ئاڭلىق تاسما چىراغ، خۇشبۇي چىراغ، مۇزىكىلىق چىراغ قاتارلىقلارنى ئۆز ئىچىگە ئالىدۇ.
تاقىما تۈرىدىكى ئۈسكۈنىلەر، تۈرلۈك ئاڭلىق سائەت، بىلەزۈك قاتارلىقلارنى ئۆز ئىچىگە ئالىدۇ.
ئېنېرگىيە تېجەش تۈرىدىكى ئۈسكۈنىلەر، تۈرلۈك چېتىلغۇ، تاختا چاتقۇچ، ئاڭلىق ئۈزچات، ئېلېكتىر جابدۇقلىرى تىزگىنلەش تور ئۆتكىلى، كۆپ ئىقتىدارلىق ئۈزچات قوبۇللىغۇچ، توك ئۆلچەش ئۈزچاتى قاتارلىقلارنى ئۆز ئىچىگە ئالىدۇ.
مۇھىت تۈرىدىكى ئۈسكۈنىلەر، ئادەتتىكى ھاۋا تەڭشىگۈچ، مەركىزى ھاۋا تەڭشىگۈچ، يېڭى ھاۋادان، ھاۋا سۈپىتى ئۆلچىگۈچ، مۇھىت پارامېتىر تەڭشىگۈچ، ھاۋا تازىلىغۇچ، ئەقلىي شامالدۇرغۇچ، نەمدان، پار سىستېمىسى، ھاۋا تەڭشىگۈچ ھەمراھى قاتارلىقلارنى ئۆز ئىچىگە ئالىدۇ.
تازىلاش تۈرىدىكى ئۈسكۈنىلەر، ھەرخىل يەر سۈپۈرۈش ماشىنا ئادىمى، ئەينەك سۈرتۈش ماشىنا ئادىمى، ئاڭلىق چاڭ سۈمۈرگۈچ، ئاياغ ئىشكاپ ئاسرىغۇچ، ئاڭلىق ئەخلەت تۇڭى، ئاسما دەزمال قاتارلىقلارنى ئۆز ئىچىگە ئالىدۇ.
ئاشخانا ئېلېكتىر ئۈسكۈنىلىرى تۈرى، پۇرچاق ئەزگۈچ، توك دۇخوپكا، بۇس تارتقۇ، توك قاسقان، بولكا پىشۇرۇش ماشىنىسى، توك قازان، مىكرو دولقۇنلۇق ئوچاق، پار مەش، تام تەشكۈچ، كۈتۈنۈش چەينىكى، يەلقازان، سەي قورۇش ماشىنا ئادىمى، سۇ تازىلىغۇچ، قاچا يۇيۇش ماشىنىسى، ماتېرىيال تەييارلاش ماشىنىسى، مارك ئىستاكانى قاتارلىقلارنى ئۆز ئىچىگە ئالىدۇ.
تەنھەرىكەت تۈرىدىكى ئۈسكۈنىلەر، ھەرخىل يۈگۈرۈش ماشىنىسى، توكسىكلىت، تەنھەرىكەت يۈدۈمە سومكىسى، چېنىقىش سايمانلىرى قاتارلىقلارنى ئۆز ئىچىگە ئالىدۇ.
ساغلاملىق تۈرىدىكى ئۈسكۈنىلەر، تۈرلۈك ئۇۋۇلىغۇچ، تارازا، بەدەندىكى ماينى ئۆلچەش تارازىسى، قان بېسىم ئۆلچىگۈچ، قان شېكىرى ئۆلچىگۈچ، توكلۇق چىش چوتكىسى قاتارلىقلارنى ئۆز ئىچىگە ئالىدۇ.
ئۆي بېزەش تۈرىدىكى ئۈسكۈنىلەر، تۈرلۈك تور ئۇلىغۇچ، تىزگىنلىگۈچى باش ئاپپارات، ئاڭلىق ئۈزچات قاتارلىقلارنى ئۆز ئىچىگە ئالىدۇ.
قوغداش تۈرىدىكى ئۈسكۈنىلەر، ھەرخىل سەزگۈچ، ئىشىك قوڭغۇرىقى، تور ئۆتكىلى، سىگنال گۈدۈكى، تىزگىنەك، جىددىي كۇنۇپكا قاتارلىقلارنى ئۆز ئىچىگە ئالىدۇ.
ئۈن-سىن تۈرىدىكى ئۈسكۈنىلەر، تۈرلۈك ياڭراتقۇ، ئاڭلىق ئېكران، ئېكران، تەسۋىرچى، تىڭشىغۇچ، كۆزئەينەك قاتارلىقلارنى ئۆز ئىچىگە ئالىدۇ. تازىلىق، مۇنچا تۈرىدىكى ئۈسكۈنىلەر، ھەرخىل ئاڭلىق پەردە، ئاڭلىق دېرىزە ئاچقۇچ، ئاڭلىق كىيىم ئاسقۇچ، مۇنچا ئىسسىتقۇچ چىراغ، تەرەت تۇڭى، سۇ قىزىتقۇچ، ئاڭلىق ئەينەك، توكلۇق پەردە، كىيىم يايغۇچ، كىرئالغۇ، توكلۇق چىش چوتكىسى، شامالدۇرغۇچ، ساقال ئالغۇچ قاتارلىقلارنى ئۆز ئىچىگە ئالىدۇ.
سەزگۈچ تۈرىدىكى ئۈسكۈنىلەر، تۈرلۈك بەدەن سەزگۈچ، مۇھىت سەزگۈچنى ئۆز ئىچىگە ئالىدۇ.
تەكشۈرۈش تۈرىدىكى ئۈسكۈنىلەر، تۈرلۈك ئاڭلىق كامېرا، ھاۋا ساپلاشتۇرغۇچ قاتارلىقلارنى ئۆز ئىچىگە ئالىدۇ. باشقا ئۈسكۈنىلەر، توكلۇق ئويۇنچۇق، توكلۇق تەڭپۇڭ ماشىنىسى، ئاڭلىق سىيرىلما تاختا، توكلۇق ۋېلىسىپىت، سەپەر سومكىسى، ئاڭلىق سافا قاتارلىقلارنى ئۆز ئىچىگە ئالىدۇ.
يۇقىرىقى ئۈسكۈنە پەقەت ئەپ بازىرىدىكى نەشرىنىلا قوللايدۇ، بۇ ئۈسكۈنىلەرنىڭ ئاساسلىق باشقۇرۇش مۇلازىمىتىنى سىناپ بېقىشنى ئويلىسىڭىز، ئەپ بازىرىدا بۇ ئەپنى يېڭىلىغاندىن كېيىن ئىشلىتىڭ.
1.1.3 ئاڭلىق ئۈسكۈنە بۇلۇت مۇلازىمىتى
«ئاڭلىق تۇرمۇش» ئەپىدە تۆۋەندىكى سىز باغلىغان ئاڭلىق ئۈسكۈنىنى ئىشلىتىش ھەمدە كۆپ خىل كەسىپ ئىقتىدارى مۇلازىمىتى تەمىنلەش ئۈچۈن، تۆۋەندىكى ئۇچۇرلىرىڭىزنى توپلايمىز:
•روتېر تۈرىدىكى ئۈسكۈنىلەر، WLAN روتېر، WLAN چوڭايتقۇچ، ھەمراھ WiFi، توك مودېم قاتارلىقلارنى ئۆز ئىچىگە ئالىدۇ، تۆۋەندىكى ئۇچۇرلارنى توپلايمىز: WLAN نامى، روتېرغا ئۇلانغان ئۈسكۈنىنىڭ MAC ئادرېسى ۋە IP ئادرېسى، روتېرنىڭ IP ئادرېسى، باشقۇرغۇچى ھېسابى، WLAN مەخپىي نومۇرى، روتېرنىڭ كىرىش مەخپىي نومۇرى، ئۈسكۈنە نامى، سىستېمىنىڭ سەپلىمە ئۇچۇرى. بۇنىڭ ئىچىدىكى مەخپىي نومۇر شەخسىي سەزگۈر ئۇچۇرغا تەۋە بولۇپ، پەقەت ئۈسكۈنىدىلا ساقلىنىدۇ، بۇ خىل ئۇچۇرلارنى توپلاشتىكى مەقسەت روتېر تۈرىدىكى ئۈسكۈنىگە كىرىشنى دەلىللەش، روتېر تۈرىدىكى ئۈسكۈنىنىڭ خىزمەت ھالىتىنى كۆرۈش، جەدۋەل ۋە تارىخىي خاتىرىنى ئىستاتىستىكىلاش، روتېر تۈرىدىكى ئۈسكۈنىلەرنى تەڭشەش ۋە باشقۇرۇش ھەمدە ئىشلەتكۈچىلەرگە تەمىنلەپ تېز سەپلەش ئىقتىدارىنى ئەمەلگە ئاشۇرۇش ئۈچۈندۇر.
روتېرنىڭ تورغا چىقىشىنى سەپلەش ئۈچۈن تۆۋەندىكى ئۇچۇرلارنى توپلايمىز: WLAN نامى، روتېرنىڭ IP ئادرېسى، ئۈسكۈنە پەرقلىگۈچ، باشقۇرغۇچى ھېسابى، WLAN مەخپىي نومۇرى، روتېرنىڭ كىرىش مەخپىي نومۇرى، PPP ھېسابى ئۇچۇرى، سىستېمىنىڭ سەپلىمە ئۇچۇرى. بۇنىڭ ئىچىدىكى مەخپىي نومۇر شەخسىي سەزگۈر ئۇچۇرغا تەۋە بولۇپ، ئۈسكۈنىڭىزدىلا ساقلىنىدۇ. يۇقىرىقى ئۇچۇرلار پەقەت يەرلىكتە ئىشلىتىلىدۇ، مۇلازىمىتېرغا يۈكلەنمەيدۇ.
•تور ئۆتكىلى تۈرىدىكى ئۈسكۈنىلەر، بۇ پۈتۈن ئۆيدىكى ئاڭلىق باش كومپيۇتېر، ھەرخىل PLC تور ئۆتكىلى، كۆكچىش تور ئۆتكىلى، ZigBee تور ئۆتكىلى قاتارلىقلارنى ئۆز ئىچىگە ئالىدۇ، تور ئۆتكىلى ھەمدە تارماق تور ئۆتكىلى ئۈسكۈنىلىرىنىڭ ئاساسىي ئۇچۇرىنى توپلىشىمىز كېرەك. ئۇچۇرلارنى توپلاشتىكى مەقسەت تور ئۆتكىلى تۈرىدىكى ئۈسكۈنىلەر ۋە ئۇلارنىڭ تارماق ئۈسكۈنىلىرىنىڭ خىزمەت ھالىتىنى كۆرۈش، تور ئۆتكىلى ھەم ئۇنىڭ تارماق ئۈسكۈنىلىرىنى تىزگىنلەش ۋە باشقۇرۇشقا قولايلىق يارىتىش ھەمدە تور ئۆتكىلى ۋە ئۇنىڭ تارماق ئۈسكۈنىلىرىگە يۇمشاق دېتال نەشر ئۆستۈرۈش مۇلازىمىتى تەمىنلەش ئۈچۈندۈر.
•كامېرا، ئاڭلىق قۇلۇپ، كۆپ ئىقتىدارلىق تور ئۆتكىلى ئۈسكۈنىسى تۆۋەندىكى ئۇچۇرلارنى توپلايدۇ: ئۈسكۈنە خاتىرىلىگەن سىن، رەسىم، ئۈن، ئىختىيارىي باش سۈرەت، نام، قوڭغۇراق، سۆز قالدۇرۇش ھۆججىتى مەلۇماتى، قۇلۇپ ئېچىش خاتىرىسى. بۇ خىل ئۇچۇرلارنى توپلاشتىكى مەقسەت ئۈسكۈنە خىزمەت ھالىتى، تەكشۈرۈش ئۇچۇرى ۋە تارىخىي ئىستاتىستىكا مەلۇماتىنى كۆرۈش ئۈچۈندۇر. قۇلۇپ ئۈسكۈنىسىنىڭ قۇلۇپ ئېچىش مەخپىي نومۇرى ئەپ ياكى خۇاۋېي مۇلازىمىتېرىدا ساقلانمايدۇ، خۇاۋېي سىزنىڭ قۇلۇپ ئېچىش مەخپىي نومۇرىڭىزغا ئېرىشەلمەيدۇ ۋە ئۇنى بىكار قىلالمايدۇ. سۆز قالدۇرۇش ئىقتىدارىغا ئىگە تور ئۆتكىلى قالدۇرغان سۆزىڭىزنى توپلايدۇ ھەمدە سىز تەڭشىگەن تاماملاشقا تېگىشلىك ئىشلارغا دىققەت قىلىشىڭىزنى قەرەللىك ئەسكەرتىدۇ. سۆز قالدۇرۇش مەلۇماتلىرىڭىز مەخپىيلەشتۈرۈلۈپ تور ئۆتكىلىنىڭ ئۆزىدە ساقلىنىدۇ.
•ئۈن-سىن ئۈسكۈنىلىرى، ھەرخىل ياڭراتقۇ، پىرويېكتور، تېلېۋىزور، تېلېۋىزىيە قۇتىسى قاتارلىقلارنى ئۆز ئىچىگە ئالىدۇ، تۆۋەندىكى ئۇچۇرلارنى توپلايمىز: ئۈسكۈنە خاتىرىلىگەن سىن، رەسىم، قويۇش خاتىرىسى. بۇ خىل ئۇچۇرنى توپلاشتىكى مەقسەت ئۈن-سىن ئۈسكۈنىسىنىڭ خىزمەت ھالىتى، تارىخىي خاتىرىسىنى كۆرۈش ۋە ئىشلەتكۈچىلەرگە مەلۇمات زاپاسلاش ئىقتىدارى تەمىنلەش ئۈچۈندۇر.
•تەنتەربىيە-ساغلاملىق ئۈسكۈنىلىرى، ئېغىرلىق ئۆلچەش تارازىسى، بەدەندىكى ماينى ئۆلچەش تارازىسى، ئۇيقۇ ئۆلچىگۈچ، ھەرىكەت بىلەيزۈك، قول سائىتى قاتارلىقلارنى ئۆز ئىچىگە ئالىدۇ، تۆۋەندىكى ئۇچۇرلارنى توپلايمىز: ئىختىيارىي باش سۈرەت، نام، تەڭشەلگەن بوي ئېگىزلىك، ياش، جىنس، تۇغۇلغان يىل ئاي، ئۈسكۈنە ئۆلچىگەن بوي ئېگىزلىك، ئېغىرلىق، بىيولوگىيەلىك قارشىلىق (بەدەندىكى ماي)، ئۈسكۈنە ئۆلچىگەن نەپەس چاستوتىسى، يۈرەك سوقۇش چاستوتىسى، ئۇخلاش ھالىتى، ئىشلەتكۈچى ئورنى، ھەرىكەت ئىزى. بۇنىڭ ئىچىدە شەخسىي ساغلاملىق مەلۇماتى ۋە ھەرىكەت ئىزى شەخسىي سەزگۈر ئۇچۇرغا تەۋە، بۇ خىل ئۇچۇرنى توپلاشتىكى مەقسەت تەنتەربىيە-ساغلاملىق ئۈسكۈنىسىنىڭ خىزمەت ھالىتى، تەكشۈرۈش مەلۇماتى ۋە تارىخىي ئىستاتىستىكا مەلۇماتىنى كۆرۈش ئۈچۈندۇر.
•سەپەر ۋە ماشىنىغا ئورنىتىلغان ئۈسكۈنىلەر، ھەرخىل ئاڭلىق ئارقىنى كۆرۈش ئەينىكى، ماشىنا يۈرۈش خاتىرىلىگۈچ قاتارلىقلارنى ئۆز ئىچىگە ئالىدۇ، تۆۋەندىكى ئۇچۇرلارنى توپلايمىز: ئورۇن ئۇچۇرى، ماشىنا يۈرۈش خاتىرىسى ۋە ئىزى، ئۈسكۈنە خاتىرىلىگەن سىن، رەسىم، ئۈن، تەڭشەلگەن ماشىنا ئۇچۇرى. بۇ خىل ئۇچۇرلارنى توپلاشتىكى مەقسەت ماشىنا ئۈسكۈنىلىرىنىڭ خىزمەت ھالىتى، ئىستاتىستىكا ئۇچۇرى ۋە تارىخىي خاتىرىسىنى كۆرۈش ئۈچۈندۈر.
•شەخسىي ئاسراش ئۈسكۈنىلىرى، ھەرخىل تېرە ئاسراش سۇ تولۇقلىغۇچى ئەسۋابلار، كۆز ئۇۋۇلىغۇچ، كۆز ماسكىسى، ئۇۋۇلاپ گۈزەللەشتۈرۈش ئۈسكۈنىسى قاتارلىقلارنى ئۆز ئىچىگە ئالىدۇ، تۆۋەندىكى ئۇچۇرلارنى توپلايمىز: تېرە سۇ كەمچىللىك ئەھۋالىنى تەكشۈرۈش ئۇچۇرى، تېرە تەكشۈرۈش ئۇچۇرى. بۇنىڭ ئىچىدە تېرە ساغلاملىق مەلۇماتى شەخسىي سەزگۈر ئۇچۇرغا تەۋە، بۇ خىل ئۇچۇرنى يىغىشتىكى مەقسەت شەخسىي ئاسراش ئۈسكۈنىسىنىڭ خىزمەت ھالىتىنى كۆرۈش، ئۇچۇر ۋە تارىخىي ئىستاتىستىكا مەلۇماتىنى ئۆلچەش.
•كۆرسەتكۈچ ئېكرانلىق ئۈسكۈنىلەر، ھەرخىل كۆرسەتكۈچ ئېكران قاتارلىقلارنى ئۆز ئىچىگە ئالىدۇ، تۆۋەندىكى ئۇچۇرلارنى توپلايمىز: كۆرسەتكۈچ ئېكراننىڭ كۆز قوغداش تەڭشەك ئۇچۇرى، ئۈسكۈنە نام ئۇچۇرى، مىكروفون ئۈزچاتى تەڭشەك ئۇچۇرى، ئۈسكۈنىنىڭ ئېكران سۇنۇش ئاق تىزىملىك ئۇچۇرى.
بۇ ئەپ توپلىغان ساغلاملىق ئۇچۇرى قاتارلىق سەزگۈر شەخسىي ئۇچۇرلىرىڭىزنى ئۆز ئىچىگە ئالغان مەلۇماتلىرىڭىز سىز ئەپتە ئېنىق ھوقۇق بەرگەندىن كېيىن مۇلازىمىتېرغا يۈكلىنىدۇ. قىسمەن ئۈسكۈنىگە ئۈسكۈنە ئىشلەپچىقارغۇچى بۇلۇت مۇلازىمىتى تەمىنلەيدۇ، ئۈچىنچى تەرەپ ئۈسكۈنە تەمىنلىگۈچى ئۆزى ئۈسكۈنە مۇلازىمىتىگە كېرەكلىك ئۇچۇرنى توپلايدۇ ۋە ئىشلىتىدۇ، خۇاۋېي بۇ ئۈسكۈنىلەرنىڭ مۇلازىمەت مەلۇماتىنى توپلىمايدۇ ۋە بىر تەرەپ قىلمايدۇ. ئۈچىنچى تەرەپ زاۋۇت ئۆزلىرىنىڭ مەخپىيەتلىك تۈزۈمى بويىچە ئۆزىنىڭ مەلۇمات توپلاش ھەرىكىتىنى باشقۇرىدۇ، ئۈسكۈنىنى تۇنجى قېتىم زىيارەت قىلغاندا ئەستايىدىل ئوقۇڭ ھەمدە ئىجازەت بېرىپ قوشۇلۇڭ.
ئاڭلىق ئۈسكۈنىنىڭ «تەڭشەك» > «ئۈسكۈنە ئۆچۈرۈش»/«ئۈسكۈنە چىقىرىۋېتىش» بېتىدە سىز باغلىغان ئاڭلىق ئۈسكۈنىنى ئۆچۈرۈپ، مەلۇمات يىغىشنى توختىتىڭ.
بۇ خىل ئۇچۇرلارنى تەمىنلىمىسىڭىز، «ئاڭلىق تۇرمۇش» ئەپىدە ئاڭلىق ئۈسكۈنە تەمىنلىگەن مۇلازىمەتنى ئىشلىتەلمەيسىز.
يۇقىرىقى ئۈسكۈنە (مەسىلەن: روتېر، كامېرا قاتارلىقلار) پەقەت ئەپ بازىرىدىكى نەشرىنىلا قوللايدۇ، بۇ ئۈسكۈنىلەرنىڭ ئاساسلىق باشقۇرۇش مۇلازىمىتىنى سىناپ بېقىشنى ئويلىسىڭىز، ئەپ بازىرىدا بۇ ئەپنى يېڭىلىغاندىن كېيىن ئىشلىتىڭ.
1.1.4 ئاڭلىق ئۈن ئېكولوگىيە ئۈسكۈنىسى
خۇاۋېي ئاڭلىق ئۈن ئېكولوگىيە ئۈسكۈنىسى (ياكى مۇلازىمىتى) خۇاۋېي يۇمشاق دېتال تېخنىكا چەكلىك شىركىتى تەرىپىدىن يۈرگۈزۈلۈپ، سىزنى ئاڭلىق ئۈسكۈنىلەرنى تىزگىنلەش ۋە باشقۇرۇش مۇلازىمىتى بىلەن تەمىنلەيدىغان مەھسۇلاتتۇر (ياكى مۇلازىمەت). «ئاڭلىق تۇرمۇش» ئەپىدە ئاڭلىق ئۈن ئېكولوگىيە ئۈسكۈنىلىرى (مەسىلەن: ئاڭلىق ئاۋازلىق قوڭغۇراق، بالىلار ئاڭلىق ئاۋازلىق ھېكايە ئېيتقۇچ ۋە ئاڭلىق ئاۋازلىق مۇساپە خاتىرىلىگۈچ قاتارلىقلار) نىڭ كۆپ خىل كەسىپ ئىقتىدارى ۋە مۇلازىمىتىنى تەمىنلەش ئۈچۈن، خۇاۋېي يۇمشاق دېتال تېخنىكا چەكلىك شىركىتى تۆۋەندىكى ئۇچۇرلىرىڭىزنى يىغىدۇ:
ئاۋازلىق بۇيرۇق، بۇ تۈردىكى ئۇچۇرنى توپلاشتىكى مەقسەت ئۇنى ئاساسلىق ئاۋاز ئالاقە مۇلازىمىتىگە ئىشلىتىش بولۇپ، ئاۋازلىق بۇيرۇق ئايلاندۇرۇلغاندىن كېيىنكى تېكىست مەلۇماتى بىخەتەر مەخپىيلەشتۈرۈلۈپ مۇلازىمىتېردا ساقلىنىدۇ.
تەخمىنىي ئورۇن ئۇچۇرى، بۇ تۈردىكى ئۇچۇرنى توپلاشتىكى مەقسەت ھاۋارايىنى تەكشۈرۈش ئىقتىدارىغا ئىشلىتىش ئۈچۈندۇر.
قويۇش خاتىرىسى، بۇ تۈردىكى ئۇچۇرنى توپلاشتىكى مەقسەت ئۈسكۈنە خىزمەت ھالىتى ۋە تارىخىي خاتىرىنى كۆرۈش ئۈچۈندۇر.
خۇاۋېي يۇمشاق دېتال تېخنىكا چەكلىك شىركىتى شەخسىي ئۇچۇرىڭىزنى تۆۋەندىكى ئۇسۇلدا ئىشلىتىدۇ: يۇقىرىقى ئۇچۇرلار مۇلازىمىتېرغا مەخپىيلەشتۈرۈپ يوللىنىدۇ ۋە ساقلىنىدۇ. «ئاڭلىق تۇرمۇش» ئەپى ئىجازىتىڭىزگە ئاساسەن مۇلازىمىتېردىن مەلۇمات تەكشۈرىدۇ ۋە ئۈسكۈنە بېتىدە كۆرسىتىدۇ.
بۇ خىل ئۇچۇرلارنى تەمىنلىمىسىڭىز، ئاڭلىق ئۈن ئېكولوگىيە ئۈسكۈنىسى تەمىنلىگەن كەسىپ ئىقتىدارى ۋە مۇلازىمەتنى ئىشلىتەلمەيسىز.
1.1.5 توردا مەسىلە ئىنكاس قىلىش
«ئاڭلىق تۇرمۇش» مۇلازىمەت مەسىلىلىرىگە توردا ئىنكاس قالدۇرۇشنى ئەمەلگە ئاشۇرۇش ئۈچۈن، تۆۋەندىكى ئۇچۇرلىرىڭىزنى توپلايمىز: ئەپ ۋە ئۈسكۈنە خاتىرە ئۇچۇرى، ئىنكاس قىلغان مەسىلە تەپسىلاتى ۋە ئالاقە ئۇسۇلى، مەسىلە ھالەت رەسىمى ۋە سىن. بۇنىڭ ئىچىدە ئەپ ۋە ئۈسكۈنىڭىزنىڭ كۈندىلىك خاتىرە ئۇچۇرى ئۈسكۈنىنىڭ ھالىتى، سەزگۈچى ئۈسكۈنىلەر سەزگەن ئۇچۇر، ئۈسكۈنىنىڭ مەشغۇلات خاتىرىسى، ئۈسكۈنە پەرقلىگۈچ قاتارلىق ئۇچۇرنى ئۆز ئىچىگە ئالىدۇ. بۇ ئۇچۇرنى يىغىشتىكى مەقسەت بولسا مەسىلىنىڭ سەۋەبىنى تەھلىل قىلىش ۋە ئورۇن بەلگىلەش؛ ئالاقە ئۇسۇلىڭىزنى يىغىشتىكى مەقسەت بولسا كېيىنكى زىيارەت قىلىش، مەسىلىلىرىڭىزنىڭ ئۈزۈل-كېسىل ھەل بولغان-بولمىغانلىقىنى ئىگىلەش ۋە سىز بىلەن ئالاقىلىشىپ سىزدىن باشقا زۆرۈر ئۇچۇرغا ئېرىشىش.
شەخسىي ئۇچۇرىڭىزنى تۆۋەندىكى ئۇسۇلدا ئىشلىتىمىز: يۇقىرىقى ئۇچۇرلار مۇلازىمىتېرغا مەخپىيلەشتۈرۈپ يوللىنىدۇ ۋە ساقلىنىدۇ. يۇقىرىقى ئۇچۇرلار مەسىلىلەرنىڭ ئورنىنى بەلگىلەش ۋە ئۇنى ھەل قىلىشقىلا ئىشلىتىلىدۇ، شەخسىي ئۇچۇرلار كۆرسىتىشكە، سودا ئېلانى ئەۋەتىشكە ئىشلىتىلمەيدۇ.
بۇ خىل ئۇچۇرلارنى تەمىنلىمىسىڭىز، ئىنكاس قىلغان مەسىلىگە قارىتا ئۈنۈملۈك ئورۇن بەلگىلەپ ھەل قىلالمايمىز.
1.1.6 ئاڭلىق ئۈسكۈنە ۋە ئەپ نەشرىنى ئۆستۈرۈش
ئەپ نەشرىنى ئۆستۈرۈش، ئاڭلىق ئۈسكۈنە ئۇيۇل دېتال نەشرىنى ئۆستۈرۈش ۋە كەسىپ يۈرگۈزۈشنى تەھلىل قىلىشنى ئەمەلگە ئاشۇرۇش ئۈچۈن، تۆۋەندىكى ئۇچۇرىڭىزنى يىغىشىمىز كېرەك: باغلانغان ئۈسكۈنە پەرقلىگۈچ، ئۈسكۈنە تۈرى، يانفون تىپى، ئەپ پەرقلىگۈچ، نەشر ئۇچۇرى قاتارلىق ئۇچۇرلار يېڭى نەشرىنى تەكشۈرۈش ۋە چۈشۈرۈشكە ئىشلىتىلىدۇ.
بۇ خىل ئۇچۇرنى تەمىنلىمىسىڭىز، ئەپ نەشرى ۋە ئۈسكۈنىنىڭ ئۇيۇل دېتال يېڭى نەشرىنى ئۆستۈرگىلى بولمايدۇ.
«ئاڭلىق تۇرمۇش» پەقەت ئۈسكۈنە يېڭىلاش يولىنى تەمىنلەيدۇ، ئۈسكۈنىنىڭ ئۇيۇل دېتال نەشرىنى ئۈسكۈنە زاۋۇتى تەمىنلەيدۇ، زاۋۇت نەشرىنىڭ سۈپىتى ۋە يېڭىلاش نەتىجىسىگە مەسئۇل بولىدۇ. قىسمەن ئۈسكۈنە ئۇيۇل دېتالنى ئۆزلۈكىدىن يېڭىلاش ئىقتىدارىنى قوللايدۇ، ئۆزلۈكىدىن يېڭىلاش ئىقتىدارىنى قوزغاتقاندىن كېيىن، ئۈسكۈنە ئۇيۇل دېتالنىڭ يېڭى نەشرىنى ئۆزلۈكىدىن تەكشۈرىدۇ، چۈشۈرىدۇ ۋە قاچىلايدۇ. ئۈسكۈنىنىڭ «تەڭشەك» بېتىدىن «ئۆزلۈكىدىن يېڭىلاش» ئىقتىدارىنى ئاچالايسىز ۋە ئېتەلەيسىز، «ئۆزلۈكىدىن يېڭىلاش» ئىقتىدارىنى ئەتكەندىن كىيىن سىز يەنىلا قولدا يېڭىلىيالايسىز.
1.1.7 كۆرۈنۈش، ئۆي باشقۇرۇش ۋە ئۈسكۈنە ئورتاقلىشىش
كۆرۈنۈش، ئائىلە باشقۇرۇش ۋە ئۈسكۈنە ئورتاقلىشىشنى ئەمەلگە ئاشۇرۇش ئۈچۈن، تۆۋەندىكى ئۇچۇرلىرىڭىزنى توپلايمىز: خۇاۋېي ھېسابى، نام، باش سۈرەت، تەخمىنىي ئورۇن ئۇچۇرى، ئۈسكۈنە ئۇچۇرى، ئىشلەتكۈچى ئىختىيارىيلاشتۇرغان كۆرۈنۈش تەڭشىكى، كۆرۈنۈش ID سى قاتارلىقلار، بۇلار كۆرۈنۈش تەڭشەش، ئائىلە توپىنى باشقۇرۇش، ئۈسكۈنە ئورتاقلىشىش ۋە ئورتاقلىشىشنى قوبۇل قىلىشقا ئىشلىتىلىدۇ.
پۈتۈن ئۆينىڭ ئاڭلىق تارماق سىستېمىسىدا ئورۇنغا ئاساسەن ھاۋارايىغا ئېرىشىش، ھاۋارايى مۇلازىمىتى، جۇغراپىيەلىك رايونغا ئاساسەن تەمىنلەنگەن پەرقلىق مۇلازىمەت (مەسىلەن يەرلىكتىكى بايراملارنى ئەسكەرتىش) قاتارلىق ئورۇنغا ئاساسلانغان مۇلازىمەتلەرنى ئەمەلگە ئاشۇرۇش ئۈچۈن، تەخمىنىي ئورۇن ئۇچۇرىڭىزنى توپلايمىز، يۇقىرىقى مۇلازىمەتلەرگە ئېرىشىش ئۈچۈن بۇ ئۇچۇرلارنى تەمىنلەش-تەمىنلىمەسلىكنى تاللىسىڭىز بولىدۇ.
كۆرۈنۈش كارتىسى ھەرخىل مەشغۇلاتلارنى ئۆزلۈكىدىن ئىجرا قىلالايدۇ. بىز سىز تەڭشىگەن ۋاقىت، ئورۇن (ئېنىق ئورۇن ئۇچۇرى)، ئۆزلەشتۈرمە ئاۋاز، ئۈسكۈنە تاقاش ھالىتى، ھەرىكەت ھالىتى، ھەرىكەتتىكى يۈرەك رىتىمى، ئۆزلەشتۈرمە خەتلىك بۇيرۇق كۆرۈنۈش ئۇچۇرلىرىنى توپلايمىز ھەم بۇ كۆرۈنۈش تەڭشەك ئۇچۇرلىرىنى مەخپىيلەشتۈرۈپ ساقلايمىز. خۇاۋېي ئىختىيارىي ئۈسكۈنە پەرقلىگۈچ ھاسىل قىلىدۇ ھەمدە ئۇنى سىز تەكشۈرىدىغان ئۇچۇر بىلەن بىرگە ئۈچىنچى تەرەپ مۇلازىمىتىگە ئەۋەتىدۇ، ئۈچىنچى تەرەپ سالاھىيەت ئۇچۇرىڭىزغا ئېرىشمەيدۇ. كۆرۈنۈش ئورۇنلاشتۇرۇش ۋە قوشۇشنى تاماملىغاندىن كېيىن، كۆرۈنۈش كارتىسىنى قولدا چېكىپ كۆرۈنۈشنىڭ ئىجرا قىلىنىشىنى قوزغىتالايسىز ياكى تەڭشەش شەرتىنى ھازىرلىغاندا كۆرۈنۈش كارتىسىمۇ ئاپتوماتىك ئىجرا قىلىنىدۇ، ئاپتوماتىك ئىجرا قىلىش ئۈزچاتىنى چېكىپ ئۇنى ئەتسىڭىز بولىدۇ.
كۆرۈنۈش ئىجرا قىلىش «ئاڭلىق تۇرمۇش مۇلازىمىتى» نى ئىشلىتىدۇ، سىستېمىدىكى «تەڭشەك» > «ئەپ» > «ئەپ باشقۇرۇش» قا كىرىپ، ئاڭلىق تۇرمۇش مۇلازىمىتى ۋە (https://privacy.consumer.huawei.com/legal/hilinksvc/privacy-statement.htm?code=CN&branchid=999&language=ug-cn)مەخپىيەتلىك ھەققىدە باياناتنى كۆرۈپ تەپسىلىي ئۇچۇرلارنى چۈشىنىڭ.
كۆرۈنۈش تەڭشىكىدە ھاۋارايى ئاڭلىتىش، يول باشلاش، جۇغراپىيەلىك قاشا قاتارلىق ئىقتىدارلار بىلەن تەمىنلەش ئۈچۈن، گاۋدېنىڭ ئورۇن بەلگىلەش، ئىزدەش ۋە خەرىتە مۇلازىمىتى SDK سىنى توپلاشتۇردۇق، ئۈسكۈنە ئۇچۇرىڭىز، ئورۇن ئۇچۇرى ۋە تور ئۇچۇرىنى گاۋدې مۇلازىمىتى تەمىنلىگۈچىگە ئورتاقلىشىپ، سىزنى مۇناسىپ مۇلازىمەت بىلەن تەمىنلەش ئۈچۈن ئىشلىتىمىز. يول باشلاش مۇلازىمىتى بىلەن تەمىنلەش ئۈچۈن، توپلانغان ئورۇن ئۇچۇرىنى پىلانلاش ۋە يول باشلاش ئۈچۈن گاۋدې ياكى بەيدۇ بىلەن ئورتاقلىشىمىز. كونكرېت مەلۇماتلارنىڭ توپلىنىشى ۋە بىر تەرەپ قىلىنىشى ئۈچىنچى تەرەپنىڭ مەخپىيەتلىك تۈزۈمى بويىچە ئىجرا قىلىنىدۇ، تەپسىلاتىنى گاۋدې ۋە بەيدۇ خەرىتە مۇلازىمىتى تەمىنلىگۈچىنىڭ مەخپىيەتلىك تۈزۈمىدىن كۆرۈڭ. بىلەيزۈك، سائەت قاتارلىق تەنتەربىيە-ساغلاملىق تۈرىدىكى ئۈسكۈنىلەرنىڭ كۆرۈنۈش بۇيرۇقىنى ئىجرا قىلىش ئىقتىدارى بىلەن تەمىنلەش ئۈچۈن، خۇاۋېي ئاڭلىق موتورى ئارقىلىق سىزگە ئالدىدا بايان قىلىنغان ئىقتىدارلارنى تەمىنلەيمىز، ئۇنى «تەڭشەك» > «سىستېما ۋە يېڭىلاش» > «خۇاۋېي ئاڭلىق ئىقتىدارى» ئارقىلىق ئەتسىڭىز بولىدۇ. ئاۋازلىق قوزغىتىلىدىغان كۆرۈنۈش ئىجرا قىلىش، ئۆزلەشتۈرمە تېكىست ۋەزىپىسى قاتارلىق كۆرۈنۈش ئىقتىدارلىرىنى تەمىنلەش ئۈچۈن، سىزگە خۇاۋېي ئاڭلىق ئاۋاز مۇلازىمىتىنى تەمىنلەيمىز، مەزكۇر مۇلازىمەت خەتلىك بۇيرۇقنى توپلاپ خۇاۋېي ئاڭلىق ئاۋازىغا ئورتاقلىشىپ كۆرۈنۈش ئىجرا قىلىش ئىقتىدارى تەمىنلەشكە ئىشلىتىدۇ، تەپسىلاتىنى خۇاۋېي ئاڭلىق ئاۋازنىڭ مەخپىيەتلىك تۈزۈمى(https://consumer.huawei.com/minisite/cloudservice/ai-voice/privacy-statement.htm?code=CN&branchid=0&language=ug_cn)دىن كۆرۈڭ.
بۇ ئۇچۇرلارنى تەمىنلىمىسىڭىز، كۆرۈنۈش، ئائىلە باشقۇرۇش ۋە ئۈسكۈنە ئورتاقلىشىش ئىقتىدارنى ئىشلىتەلمەيسىز.
كۆرۈنۈش ئىقتىدارى پەقەتلا ئەپ بازىرىدىكى نەشرىنى قوللايدۇ.
1.1.8 بازار
بازار، «ئاڭلىق تۇرمۇش» مەھسۇلات ئۇچۇرى ۋە ئاممىۋىي سىناق مۇلازىمىتىنى ئەمەلگە ئاشۇرۇش ئۈچۈن، «ئاڭلىق تۇرمۇش» ئەپى «خۇاۋېي بازىرى» نى توپلاشتۇردى. بازاردا ئورتاقلىشىشقا ئىجازەت قىلغان ياكى تاپشۇرغان شەخسىي ئۇچۇرلارنىڭ مەخپىيەتلىكىنى قوغداش، «خۇاۋېي بازىرى» تەرىپىدىن تەمىنلىنىدىغان مەخپىيەتلىك تۈزۈمىنىڭ باشقۇرۇش تەۋەلىكىدە بولىدۇ. تەپسىلاتىنى خۇاۋېي بازىرىنىڭ مەخپىيەتلىك تۈزۈمى(https://consumer.huawei.com/minisite/cloudservice/vmall/privacy-statement.htm?code=CN&language=ug_CN)دىن كۆرۈڭ.
ئەگەر بۇ ئۇچۇرلارنى تەمىنلىمىسىڭىز، «خۇاۋېي بازىرى» دا مال سېتىۋالالمايسىز، لېكىن بۇ مۇلازىمەتنىڭ باشقا ئىقتىدارلىرىنى ئىشلىتىشكە تەسىر يەتكۈزمەيدۇ.
1.1.9 مۇنبەر
مۇنبەر ئىقتىدارىنى ئەمەلگە ئاشۇرۇش ئۈچۈن، «ئاڭلىق تۇرمۇش» ئەپىگە «گۈلكۇلۇب» تەمىنلىگەن مۇنبەر مۇلازىمىتى توپلاشتۇرۇلدى. مۇنبەر ئىقتىدارىنى ئىشلەتسىڭىز، تاپشۇرغان شەخسىي ئۇچۇرلارنىڭ مەخپىيەتلىكىنى قوغداش، «گۈلكۇلۇب» تەرىپىدىن تەمىنلىنىدىغان مەخپىيەتلىك تۈزۈمىنىڭ باشقۇرۇش تەۋەلىكىدە بولىدۇ. تەپسىلاتىنى گۈلكۇلۇب مەخپىيەتلىك باياناتى(https://consumer.huawei.com/minisite/cloudservice/club/privacy-statement.htm?country=CN&language=ug_CN)دىن كۆرۈڭ.
بۇ ئۇچۇرلارنى تەمىنلىمىسىڭىز، «مۇنبەر» دە يازما، باھا يوللىيالمايسىز، لېكىن ئاڭلىق تۇرمۇشنىڭ باشقا ئىقتىدارلىرىنى ئىشلىتىشكە تەسىر يەتكۈزمەيدۇ.
1.1.10 مۇزىكا ئاۋازلىق مەزمۇنى
خۇاۋېي ئاڭلىق ياڭراتقۇ ئۈسكۈنىسىنى باغلىغىنىڭىزدا، ئاڭلىق ياڭراتقۇنىڭ مۇزىكا ئاۋازلىق مەزمۇنىنى ئىزدەش ۋە قويۇش، ياڭراتقۇ ئىقتىدارلىرىنى تەڭشەش ۋە ئىشلىتىش قاتارلىق ئىقتىدارلارنى ئەمەلگە ئاشۇرۇش ئۈچۈن، «ئاڭلىق تۇرمۇش» ئەپىگە ياڭراتقۇنىڭ «مەزمۇن» بېتى توپلاشتۇرۇلدى. «ئاڭلىق تۇرمۇش» نىڭ «ئۆي جابدۇقلىرى» بېتىدە ياڭراتقۇ كارتىسىغا كىرىپ، ئاڭلىق ياڭراتقۇ ۋە مەخپىيەتلىك ھەققىدە بايانات(https://consumer.huawei.com/minisite/cloudservice/smart-speaker/privacy-statement.htm?code=CN&language=ug_cn&branchid=7)نى كۆرۈپ، تەپسىلىي ئۇچۇرلارنى چۈشىنىڭ.
1.1.11 ئىشلەتكۈچىلەر رازىلىقىنى تەكشۈرۈش
مەھسۇلاتىمىزنىڭ تەسىراتىنى ياخشىلاش ۋە ئۆرلىتىش ئۈچۈن، خۇاۋېي تېرمىنال چەكلىك شىركىتى ئۈسكۈنە ئۇچۇرىڭىز، ئۈسكۈنە پەرقلىگۈچ، ئەپنىڭ نەشر نومۇرى قاتارلىقلارنى توپلاپ سىزگە ئىشلەتكۈچى تەسىراتىدىن رايسىناش سوئالى ئەۋەتىشكە ئىشلىتىمىز. تەكشۈرۈش سوئالىمىزغا قاتنىشىشنى تاللىغاندىن كېيىن، خۇاۋېي تېرمىنال چەكلىك شىركىتى سوئالىمىزغا بەرگەن جاۋابىڭىزنى توپلاپ، مەھسۇلاتنى ئىشلىتىش جەريانىدىكى تەسىراتىڭىزنى تەھلىل قىلىشقا ئىشلىتىمىز. ئىشلەتكۈچىلەر تەسىراتىنى ياخشىلاش رايسىناش سوئالى ۋە مەخپىيەتلىك ھەققىدە بايانات(https://consumer.huawei.com/minisite/cloudservice/ai-life-china/terms.htm?country=CN&language=ug-cn&branchId=201)نى كۆرۈپ، تەپسىلىي ئۇچۇرىنى چۈشەنسىڭىز بولىدۇ.
ئەگەر بۇ ئۇچۇرلارنى تەمىنلىمىسىڭىز، مەھسۇلاتنىڭ تەسىرات نەتىجىسىنى ئىنكاس قىلغىلى بولمايدۇ، لېكىن ئاڭلىق تۇرمۇشنىڭ باشقا ئىقتىدارلىرىنى ئىشلىتىشكە تەسىر يەتكۈزمەيدۇ.
1.2 ماقۇللۇقىڭىزنى ئالغاندىن كېيىن، سىزگە تۆۋەندىكى كەسىپ ئىقتىدار/مۇلازىمەتلىرىنى تەمىنلەيمىز ھەم مۇناسىۋەتلىك ئۇچۇرلارنى بىر تەرەپ قىلىمىز.
1.2.1 ئاڭلىق تۇرمۇش كەسپىنى يۈرۈشتۈرۈش
«ئاڭلىق تۇرمۇش» كەسپىنى يۈرۈشتۈرۈش مۇلازىمىتىنى تەمىنلەش ئۈچۈن، تۆۋەندىكى ئۇچۇرىڭىزنى توپلايمىز: ئىشلەتكۈچى پەرقلىگۈچ، IP ئادرېس، يوقلىما، چەك تارتىش ۋە پۇرچاق نەقلەشتۈرۈش خاتىرىسى، ئىنكاس قىلغان مۇكاپات نەقلەشتۈرۈش ئۇچۇرىڭىز (ئىسىم-فامىلە، تېلېفون نومۇر، ئادرېس)، كۆرۈنۈش ياقتۇرۇش. بۇ خىل ئۇچۇرنى توپلاشتىكى مەقسەت يوقلىما، چەك تارتىش، مۇكاپات نەقلەشتۈرۈش، كۆرۈنۈش تەۋسىيە قىلىش قاتارلىق يۈرۈشتۈرۈش پائالىيەتلىرىنى قانات يايدۇرۇش ئۈچۈندۇر.
سىزگە مۇكاپات بۇيۇمىنى ئەۋەتىش ئۈچۈن، ئالاقىلىشىش ئۇسۇلىڭىزنى ئۈچىنچى تەرەپ توشۇش شىركەتلىرىگە تەمىنلىشىمىز كېرەك.
بۇ ئۇچۇرلارنى تەمىنلىمىسىڭىز، «ئاڭلىق تۇرمۇش» كەسپىنى يۈرۈشتۈرەلمەيمىز. «مەن» > «تەڭشەك» كە كىرىپ، «ت-پۇرچاق مۇلازىمىتى» نى ئەتسىڭىز بولىدۇ.
يوقلىمىدىن ئۆتۈپ چەك تارتىش ۋە پۇرچاق نەقلەشتۈرۈش ئىقتىدارى پەقەتلا ئەپ بازىرىدىكى نەشرىنى قوللايدۇ.
1.2.2 ئىشلەتكۈچىلەر تەسىراتىنى ياخشىلاش پىلانى
كاشىلا بىر تەرەپ قىلىش، ئىشلەتكۈچىلەر تەسىراتىنى ياخشىلاش ئۈچۈن، تۆۋەندىكى ئۇچۇرلىرىڭىزنى توپلايمىز: «ئاڭلىق تۇرمۇش» ئەپى ۋە ئاڭلىق ئۈسكۈنىنىڭ خاتىرىسى، ئۇ نامسىزلاشتۇرۇلغان ئۈسكۈنە نومۇرى ۋە ھالقىلىق جەريان خاتىرىسى، ئىش خاتىرىسى، كاشىلا خاتىرىسى، خاتىرىگە خاتىرىلەنمەيدىغان سەزگۈر ئۇچۇرلىرىڭىزنى ئۆز ئىچىگە ئالىدۇ.
شەخسىي ئۇچۇرلىرىڭىزنى تۆۋەندىكى ئۇسۇلدا ئىشلىتىمىز: «ئاڭلىق تۇرمۇش» ئەپىنى ۋە ئاڭلىق ئۈسكۈنە خاتىرىسىنى ئۆزلۈكىدىن توپلاپ مۇلازىمىتېرغا يوللاش، خاتىرە ئۇچۇرىنى ئانالىز قىلىپ، يۈرۈش ھالىتىگە دىياگنوز قويۇش، ئۈسكۈنە كاشىلىسىنى تونۇش ۋە ئورنىنى بەلگىلەش.
بۇ ئۇچۇرلارنى تەمىنلىمىسىڭىز، «ئاڭلىق تۇرمۇش» كەسپىنىڭ كاشىلىسى ۋاقتىدا بايقالمايدۇ ۋە بىر تەرەپ قىلىنمايدۇ، ئىشلەتكۈچى تەسىراتىنى ۋاقتىدا ياخشىلىيالمايدۇ، بىراق بۇ مۇلازىمەتنىڭ ئاساسلىق ئىقتىدارىنى ئىشلىتىشىڭىزگە تەسىر كۆرسەتمەيدۇ. «مەن» > «تەڭشەك» كە كىرىپ، «خۇاۋېي ئىشلەتكۈچى تەسىراتىنى ياخشىلاش پىلانىغا قوشۇلۇش» نى ئەتسىڭىز بولىدۇ.
1.2.3 ئاڭلىق سودا ئىشلىرى
«ئاڭلىق تۇرمۇش» مۇلازىمەت سۈپىتىنى باھالاش ۋە ئىشلەتكۈچى تەسىراتىنى ياخشىلاش ئۈچۈن، تۆۋەندىكى ئۇچۇرلىرىڭىزنى توپلايمىز: ئەپ نامى، نەشرى، ئەپ بېتىنى زىيارەت قىلىش ۋاقىت ئۇزۇنلۇقى قاتارلىق ئەپ ئۇچۇرى، يانفون تىپى، نەشرى قاتارلىق يانفون ئۇچۇرى، تۇرۇشلۇق شەھەر، خۇاۋېي ھېسابى، ئۈسكۈنە پەرقلىگۈچ، ئۈسكۈنە تىزىملىكى، نامى، تۈرى قاتارلىق ئۈسكۈنە ئۇچۇرى. بۇ خىل ئۇچۇرلارنى توپلاشتىكى مەقسەت بولسا خۇاۋېي ھېسابى مۇلازىمىتېرىغا كىرىپ ئىشلەتكۈچى سالاھىيىتىنى دەلىللەپ، «ئاڭلىق تۇرمۇش» ئەپىنىڭ مۇلازىمىتېرنى زىيارەت قىلىش ئىجازىتىگە ئېرىشىش ئۈچۈندۇر.
تۆۋەندىكى ئۇسۇل بويىچە شەخسىي ئۇچۇرىڭىزنى ئىشلىتىمىز: ئۈسكۈنە پەرقلىگۈچ، ئىشلەتكۈچى پەرقلىگۈچ قاتارلىق مەلۇماتلارنى نامسىزلاشتۇرۇپ بىر تەرەپ قىلغاندىن كىيىن، خۇاۋېي مۇلازىمىتېرغا مەخپىيلەشتۈرۈپ يوللىنىپ مەلۇمات ئىستاتىسىتىكىلاپ، مەلۇمات ئىستاتىستىكا جەدۋىلى چىقىرىلىدۇ، «ئاڭلىق تۇرمۇش» مۇلازىمەت سۈپىتىنى باھالاش ۋە ئىشلەتكۈچى تەسىراتىنى ياخشىلاشقا ئىشلىتىلىدۇ.
بۇ خىل ئۇچۇرنى تەمىنلىمىسىڭىز، «ئاڭلىق تۇرمۇش» نىڭ مۇلازىمەت سۈپىتىنى ۋاقتىدا باھالاپ، «ئاڭلىق تۇرمۇش» مۇلازىمىتىنىڭ ئىشلەتكۈچى تەسىراتىنى ياخشىلاشقا ئامالسىز قالىمىز، ئەمما بۇ مۇلازىمەتنىڭ ئاساسىي ئىقتىدارىنى ئىشلىتىشىڭىزگە تەسىر يەتكۈزمەيدۇ. «مەن» > «تەڭشەك» كە كىرىپ، «خۇاۋېي ئىشلەتكۈچى تەسىراتىنى ياخشىلاش پىلانىغا قوشۇلۇش» نى ئەتسىڭىز بولىدۇ.
1.3 قانۇنىي مەجبۇرىيەتنى ئادا قىلىش ياكى قانۇن-نىزاملار بەلگىلىگەن باشقا ئەھۋاللارغا ئاساسەن، تۆۋەندىكى ئۇچۇرلىرىڭىزنى توپلىشىمىز ۋە بىر تەرەپ قىلىشىمىز مۇمكىن.
1.3.1 ئاڭلىق تۇرمۇش مەزمۇن خەتىرىنى تىزگىنلەش
«ئالاقە تورىنى ئىشلەتكۈچىلەرنىڭ ھېسابات نامىنى باشقۇرۇش بەلگىلىمىسى» گە ئاساسەن، نام ئۆزگەرتكەن ۋاقتىڭىزدا (مەسىلەن ئائىلە، ياتاق ۋە ئۈسكۈنە نامى قاتارلىقلارنى ئۆزگەرتكەندە)، نام ئۇچۇرىڭىزنى توپلايمىز، بۇ پەقەت نامنىڭ بەلگىلىمىگە خىلاپ ياكى ئەمەسلىكىنى تەكشۈرۈشكە ئىشلىتىلىدۇ، ئەگەر بەلگىلىمىگە خىلاپ بولسا سىستېما نامنى ئۆزلۈكىدىن قايتا بېكىتىدۇ.
1.3.2 بۇنىڭ ئىچىدە ئاڭلىق ئۈسكۈنە باشقۇرۇش ئاساسىي مۇلازىمىتى بۇ ئەپنىڭ ئاساسىي ئىقتىدارى ھېسابلىنىدۇ
ئاساسىي مۇلازىمەتنى ئىشلىتىپ يەرلىكتە روتېر قاتارلىق ئاڭلىق ئۈسكۈنىلەرنى باشقۇرغىلى بولىدۇ، مۇناسىۋەتلىك ئۈسكۈنە ئۇچۇرى بۇلۇتقا يۈكلەنمەيدۇ، بۇ مەخپىيەتلىك باياناتىغا قوشۇلمىسىڭىز پەقەت بۇ ئاساسىي ئىقتىدارنىلا ئىشلىتەلەيسىز.
2 ئۈسكۈنە ئىجازىتىنى يۆتكەپ ئىشلىتىش
تېلېفون (ئۈسكۈنە ئۇچۇرى) ئىجازىتى: تاقىما ئۈسكۈنىلەرنىڭ كۆرسىتىلىشىنى قوللاش ئۈچۈن، ئۈسكۈنە پەرقلىگۈچىڭىزنى ئىشلىتىپ تاقىما ئۈسكۈنىلەرنى پەرقلەندۈرۈشىمىز كېرەك. سىستېمىنىڭ ئىجازەت ئىلتىماس قىلىش پىرىنسىپىغا ئاساسەن، تېلېفون ئىجازىتىڭىزگە ئېرىشكەندىلا، ئاندىن ئۈسكۈنە پەرقلىگۈچىڭىزنى ئوقۇغىلى بولىدۇ.
ئورۇن ئىجازىتى: «ئاڭلىق تۇرمۇش» ئەپىنى تورغا ئۇلاش ۋە ئاڭلىق ئۈسكۈنىلەرنى بايقاش، قوشۇش ۋە باشقۇرۇشنى ئەمەلگە ئاشۇرۇش ئۈچۈن، بىز سىستېمىنىڭ WLAN تىزىملىكى ۋە كۆكچىش ئۈسكۈنە تىزىملىكىگە ئېرىشىشىمىز كېرەك. سىستېمىنىڭ ئىجازەت ئىلتىماس قىلىش پىرىنسىپىغا ئاساسەن، سىزنىڭ ئورۇن ئىجازىتىڭىزگە ئېرىشكەندىلا، ئاندىن WLAN تىزىملىكى ۋە كۆكچىش ئۈسكۈنە تىزىملىكىنى ئوقۇغىلى بولىدۇ. سىز كۆرۈنۈش كارتىسىنى ئورۇنلاشتۇرغاندا جۇغراپىيەلىك ئورۇن تەڭشەشكە قولايلىق بولۇش ئۈچۈن ئورۇن ئىجازىتىڭىزگە ئېرىشىشىمىز كېرەك. ئۆيدىكى ئاڭلىق تارماق سىستېمىدا سىزگە ئورۇن ئاساسىدىكى مۇلازىمەتلەرنى تەمىنلەش ئۈچۈن ئورۇن ئىجازىتىڭىزگە ئېرىشىشىمىز كېرەك.
كامېرا ئىجازىتى: «ئاڭلىق تۇرمۇش» تا كود سايىلەپ ئىشلەتكۈچى قوشۇش قاتارلىق ئىقتىدارلارنى ئىشقا ئاشۇرۇش ئۈچۈن، سىز بۇ ئىجازەتنى ئېچىشنى تاللىشىڭىز كېرەك.
ئالاقىداش ئىجازىتى: «ئاڭلىق تۇرمۇش» تا ئۈسكۈنە ئورتاقلىشىش قاتارلىق ئىقتىدارلارنى ئىشلىتىش ئۈچۈن بۇ ئىجازەتنى ئېچىشنى تاللىشىڭىز كېرەك.
مىكروفون ئىجازىتى: «ئاڭلىق تۇرمۇش» تا ئاڭلىق ئۈسكۈنىنىڭ ئاۋازلىق سۆزلىشىش، ئاۋاز ئۈنگە ئېلىش ئىقتىدارىنى ئەمەلگە ئاشۇرۇش ۋە ئۆزلەشتۈرمە ئاۋاز ئۈنگە ئېلىشىڭىزغا قولايلىق يارىتىش ئۈچۈن، بۇ ئىجازەتنى ئېچىشنى تاللىشىڭىز كېرەك.
بوشلۇق ئىجازىتى: «ئاڭلىق تۇرمۇش» تا مەسىلە ئىنكاس قىلىش، پۇرچاققا چەك تارتىش ۋە كۆرۈنۈش كارتىسىدىكى تەڭشەكنى ساقلاش قاتارلىق ئىقتىدارلارنى ئىشلىتىش ئۈچۈن، سىز بۇ ئىجازەتنى ئېچىشنى تاللىشىڭىز كېرەك، ئۈسكۈنىگە ھۆججەت ساقلاش ۋە ئۈسكۈنىگە ساقلانغان ھۆججەتنى ئوقۇشقا ئىشلىتىلىدۇ.
قاچىلانغان ئەپلەر تىزىملىكى ئىجازىتى: سىمسىز كەڭ بەلباغلىق تور مەھسۇلاتىنىڭ ئېقىمسىز ئەپ ئورتاقلىشىش ئىقتىدارىنى ئەمەلگە ئاشۇرۇش ئۈچۈن، بۇ ئىجازەتنى ئېچىشنى تاللىشىڭىز كېرەك.
يۇقىرىقى ئىجازەتلەردىن باشقا، بۇ ئەپ كۆكچىش ئۈسكۈنىسىگە ئۇلانغاندا ياكى NFC ئارقىلىق ئۈسكۈنىگە ئۇلانغاندا، كۆكچىش ياكى NFC نى ئېچىشقا توغرا كېلىدۇ، ئەگەر ئېچىلمىسا ئۈسكۈنىنى ئۇلىغىلى بولمايدۇ. سىستېمىدىكى «تەڭشەك» ئارقىلىق كۆكچىش ياكى NFC نى ئېتىۋەتسىڭىز بولىدۇ.
خالىغان ۋاقىتتا سىستېمىدىكى «تەڭشەك» نى زىيارەت قىلىپ بۇ ئەپنىڭ ئىجازىتىنى باشقۇرالايسىز.
3 خاسلاشتۇرما تەۋسىيە
ماقۇللۇقىڭىزنى ئالغاندىن كېيىن، سىزگە تۆۋەندىكى كەسىپ ئىقتىدارلارنى تەمىنلەيمىز: تېخىمۇ ياخشى ئىشلىتىش تەسىراتى ۋە خاسلاشقان مۇلازىمەت تەمىنلەش ئۈچۈن، «ئاڭلىق تۇرمۇش» ئەپى ھاسىل قىلغان ئىستاتىستىكا ئۇچۇرىغا ئاساسەن سىز قىزىقىدىغان مەزمۇنلارنى يوللايمىز (قىسمەن يېڭى مەھسۇلات تەۋسىيە ئۇچۇرىنىمۇ ئۆز ئىچىگە ئالىدۇ)، بۇ ئۇقتۇرۇش بالدىقى ياكى ئەپ ئىچىدە كۆرسىتىش پائالىيىتى، مۇكاپاتقا ئېرىشىش، باھالاش قاتارلىق ئۇچۇرلارنى ئۆز ئىچىگە ئالىدۇ، ئەمما ئۇلار بىلەنلا چەكلەنمەيدۇ. بۇ ئىقتىدار سىز ئىجازەت بەرگەندىن كېيىن ئېچىلىدۇ، «مەن» > «تەڭشەك» كە كىرىپ، «خاسلاشتۇرما تەۋسىيە» ئۈزچاتىنى ئېتىش ئارقىلىق بۇ ئىقتىدارنى ئەتسىڭىز بولىدۇ.
چېتىلىدىغان شەخسىي ئۇچۇرلار: خۇاۋېي ھېسابى ئۇچۇرىڭىز، ئۈسكۈنە پەرقلىگۈچ، ئەپنىڭ ئاساسى ئۇچۇرى، بۇ ئەپنى ئىشلىتىشىڭىزگە مۇناسىۋەتلىك ئۇچۇرلار، ئۈسكۈنىنىڭ قاتتىق دېتال ئۇچۇرى قاتارلىقلارنى ئۆز ئىچىگە ئالىدۇ.
«خاسلاشتۇرما تەۋسىيە» نى تاقىغاندىن كېيىن، سىز يەنىلا «ئاڭلىق تۇرمۇش» كەسپىگە مۇناسىۋەتلىك ئىختىيارىي ئىتتىرمە ئۇچۇر تاپشۇرۇۋالىسىز، «مەن»> «تەڭشەك» كە كىرىپ، «ئۇچۇر ئۇقتۇرۇشى» نى ئېتىش ئارقىلىق ئىتتىرمە ئۇچۇرنى ئېتىۋەتسىڭىز بولىدۇ.
4 قۇرامىغا يەتمىگەنلەرنى قوغداش
بىز قۇرامىغا يەتمىگەنلەرنىڭ شەخسىي ئۇچۇرىنى قوغداشقا ئىنتايىن ئەھمىيەت بېرىمىز، خۇاۋېي دۆلەتنىڭ قانۇن-نىزاملىرىنىڭ تەلىپىگە قاتتىق ئەمەل قىلىپ قۇرامىغا يەتمىگەنلەر مۇلازىمەتنى ئىشلەتكەندە ئۇلارنى قوغدايدۇ. ئەگەر قۇرامىڭىزغا يەتمىگەن بولسىڭىز، ئاتا-ئانىڭىز ياكى باشقا ھامىيىڭىز بۇ ئەپنى ئىشلىتىشىڭىزگە ۋە ئالاقىدار ئەپنىڭ مۇلازىمەت شەرتلىرىگە قوشۇلۇشى لازىم. ئاتا-ئانا ياكى باشقا ھامىيلار مۇۋاپىق ئالدىنى ئېلىش تەدبىرى قوللىنىپ قۇرامىغا يەتمىگەنلەرنى قوغدىشى ھەمدە ئۇلارنىڭ بۇ ئەپنى ئىشلىتىشىنى نازارەت قىلىشى كېرەك.
بولۇپمۇ، ئەگەر سىز بالا (14ياشقا توشمىغان قۇرامىغا يەتمىگەن) بولسىڭىز، مۇلازىمىتىمىزنى ئىشلىتىشتىن بۇرۇن، ئاتا-ئانىڭىز ياكى باشقا ھامىيىڭىز بىلەن بىللە بۇ بايانات ۋە بىز مەخسۇس تۈزگەن «خۇاۋېي ئىستېمالچىلار مۇلازىمىتى بالىلارنىڭ مەخپىيەتلىكىنى قوغداش باياناتى»(https://consumer.huawei.com/minisite/legal/childprivacy/statement.htm?code=CN&language=ug-CN) نى ئەستايىدىل ئوقۇشىڭىز ھەمدە ئاتا-ئانىڭىز ياكى باشقا ھامىيىڭىز قوشۇلغاندىن كېيىن ياكى ئۇلارنىڭ يېتەكچىلىكىدە مۇلازىمىتىمىزنى ئىشلىتىشىڭىز ياكى بىزگە ئۇچۇر تەمىنلىشىڭىز كېرەك. ئەگەر سىز بالىنىڭ ئاتا-ئانىسى ياكى ھامىيسى بولسىڭىز، ھامىيلىقىڭىزدىكى بالىنىڭ سىزنىڭ قوشۇلۇشىڭىز بىلەن ياكى يېتەكچىلىكىڭىزدە مۇلازىمىتىمىزنى ئىشلەتكەنلىكى ۋە بىزگە ئۇچۇر تەمىنلىگەنلىكىنى جەزملەشتۈرۈڭ.
5 ئۈچىنچى تەرەپ بىلەن ئورتاقلىشىش
سىزگە قىسمەن ئىقتىدار/مۇلازىمەتلەرنى تەمىنلەش ئۈچۈن، مەسىلەن بىز ئۈچىنچى تەرەپ ئېكولوگىيەلىك مۇلازىمەت تەمىنلىگۈچىگە تاق تاۋار باشقۇرۇش ئىقتىدارى ۋە ۋېيشىن ئەپى ئارقىلىق ئاڭلىق ئۈسكۈنە ئۇچۇرىنى قوبۇللاش ئىقتىدارى قاتارلىقلارنى تەمىنلەيمىز، شەخسىي ئۇچۇرىڭىزنى ئۈچىنچى تەرەپكە تەمىنلىشىمىز كېرەك. مەلۇمات بىخەتەرلىكىڭىز ۋە مەخپىيەتلىكىڭىزگە كاپالەتلىك قىلىش ئۈچۈن، ھەمكارلاشقۇچىلار بىلەن مەلۇمات بىخەتەرلىكىنى قوغداش كېلىشىمى ئىمزالاپ، ئۇلارنىڭ مەلۇماتلىرىڭىزنى قوغداش مەسئۇلىيىتى، مەجبۇرىيىتى ۋە بۇنىڭغا قويۇلىدىغان تەلەپلەرنى ئايدىڭلاشتۇردۇق. تەپسىلاتىنى ئۈچىنچى تەرەپ بىلەن ئورتاقلاشقان ئۇچۇرلارنىڭ تىزىملىكى(https://privacy.consumer.huawei.com/legal/smarthome/privacy-statement.htm?code=CN&language=ug-cn&branchid=999&contenttag=3rdshare)دىن كۆرۈڭ.
6 ئۈچىنچى تەرەپ SDK سى
سىزگە ئۈچىنچى تەرەپ ئاڭلىق ئۆي مۇلازىمىتى، ئۇچۇر يوللاش قاتارلىق قىسمەن ئىقتىدار/مۇلازىمەتلەرنى تەمىنلەش ئۈچۈن ھەمكارلاشقۇچىلارنىڭ يۇمشاق دېتال ئېچىش قوراللىرى بوغچىسى (قىسقارتىلىپ «SDK» دېيىلىدۇ) ياكى باشقا شۇنىڭغا ئوخشاش ئەپلەرنى توپلاشتۇردۇق. تېخىمۇ كۆپ تەپسىلاتىنى ئۈچىنچى تەرەپ SDK تىزىملىكى (https://privacy.consumer.huawei.com/legal/smarthome/privacy-statement.htm?code=CN&language=ug-cn&branchid=999&contenttag=3rdsdk)دىن كۆرۈڭ.
7 شەخسىي ئۇچۇرىڭىزنى باشقۇرۇش
خۇاۋېي شەخسىي ئۇچۇرلارغا كۆڭۈل بۆلىدىغانلىقىڭىزنى ئىنتايىن ھۆرمەتلەيدۇ ھەمدە سىزنى تۆۋەندىكى مەلۇمات سۇبيېكتلىق ھوقۇقى ۋە تاللىشى بىلەن تەمىنلەيدۇ.
(1) ئۇچۇرنى زىيارەت قىلىش
باغلانغان ئاڭلىق ئۈسكۈنە باش بېتىدە ئۈسكۈنە مەشغۇلات ھالىتى ۋە تارىخىي خاتىرىنى كۆرەلەيسىز، ئۈسكۈنىنىڭ «تەڭشەك» بېتىدە ئۈسكۈنە ئۇچۇرىنى كۆرەلەيسىز، بۇ ئۈسكۈنە نامى، ئۈسكۈنە قويۇش ئورنى، زاۋۇت نامى، MAC ئادرېسى، تەرتىپ نومۇرى، ئۈسكۈنە تور ئۇچۇرى قاتارلىق ئۇچۇرلارنى ئۆز ئىچىگە ئالىدۇ؛
«مەن» > «ئورتاق باشقۇرۇش» بېتىگە كىرىپ ئائىلە توپ ئۇچۇرىنى كۆرەلەيسىز، «كۆرۈنۈش» > «كۆرۈنۈشۈم» بېتىگە كىرىپ كۆرۈنۈشنىڭ تەڭشەك ئۇچۇرلىرىنى كۆرەلەيسىز، ھېسابات باش سۈرىتىنى چېكىپ «خۇاۋېي ھېسابى» ئەپىگە كىرىپ ھېسابات ئۇچۇرىڭىزنى كۆرەلەيسىز، «بازىرىم» نى چېكىپ «خۇاۋېي بازىرى» ئەپىگە كىرىپ، بازىرىڭىزنىڭ تەڭشەك ئۇچۇرلىرى ۋە ئىشلىتىش خاتىرىسىنى كۆرەلەيسىز.
(2) ئۇچۇرنى تۈزىتىش
شەخسىي ئۇچۇرلىرىڭىزنى يېڭىلىماقچى بولسىڭىز ياكى شەخسىي ئۇچۇرلىرىڭىزنى خاتا بىر تەرەپ قىلغانلىقىمىزنى بايقىسىڭىز، تۈزىتىش ياكى يېڭىلاش ھوقۇقىڭىز بار.
باغلانغان ئاڭلىق ئۈسكۈنە باش بېتى ۋە ئۈسكۈنە «تەڭشەك» بېتىدە يۈرۈتۈش پارامېتىرىنى تەڭشەپ، ئۈسكۈنە ئۇچۇرىنى ئۆزگەرتەلەيسىز؛
«مەن» > «ئورتاق باشقۇرۇش» بېتىدە ئائىلە توپ ئۇچۇرىنى ئۆزگەرتەلەيسىز، «كۆرۈنۈش» > «كۆرۈنۈشۈم» بېتىگە كىرىپ كۆرۈنۈش تەڭشەك ئۇچۇرلىرىنى ئۆزگەرتەلەيسىز، ھېسابات باش سۈرىتىنى چېكىپ «ھېسابات مەركىزى» ئەپىگە كىرىپ ھېسابات ئۇچۇرىڭىزنى ئۆزگەرتەلەيسىز، «مەن» > «بازىرىم» نى چېكىپ «خۇاۋېي بازىرى» ئەپىگە كىرىپ، بازىرىڭىزنىڭ تەڭشەك ئۇچۇرلىرىنى ئۆزگەرتەلەيسىز.
(3) ئۇچۇرنى ئۆچۈرۈش
خالىغان ۋاقىتتا ئۈسكۈنە كارتىسىنى ئۆچۈرۈش ياكى ئۈسكۈنە چىقىرىۋېتىش ئارقىلىق باغلىغان ئاڭلىق ئۈسكۈنىنى ئۆچۈرۈپ، «ئاڭلىق تۇرمۇش» ئەپىنىڭ يەرلىك ۋە مۇلازىمىتېردا ساقلانغان ئۈسكۈنە ئۇچۇرىنى تازىلىيالايسىز؛
خالىغان ۋاقىتتا «كۆرۈنۈش» > «كۆرۈنۈشۈم» بېتىگە كىرىپ سىز ئىلگىرى مۇشتەرى بولغان كۆرۈنۈش كارتىسىنى ئۆچۈرسىڭىز بولىدۇ، مۇلازىمىتېردا ساقلانغان كۆرۈنۈش كارتا تەڭشەك ئۇچۇرلىرىڭىزمۇ ماسقەدەمدە ئۆچۈرۈلىدۇ؛
خالىغان ۋاقىتتا «ئاڭلىق تۇرمۇش» تىن «مەن» گە كىرىپ، باش سۈرەتنى چېكىپ «ھېسابات مەركىزى» بېتىگە يۆتكىلىپ، «ئۇچۇرۇم» سەھىپىسىدىن «ھېسابات ۋە بىخەتەرلىك» > «كۆپرەك» > «بىخەتەرلىك مەركىزى» نى تاللاپ خۇاۋېي ھېسابىڭىزنى زىيارەت قىلىش ۋە تىزىمدىن ئۆچۈرۈشنى تىزگىنلىسىڭىز بولىدۇ.
خالىغان ۋاقىتتا «ئاڭلىق تۇرمۇش» ئەپىنى ئۆچۈرۈش ياكى «ئاڭلىق تۇرمۇش» ئەپ مەلۇماتىنى تازىلاش ئارقىلىق، «ئاڭلىق تۇرمۇش» ئەپى يەرلىككە ساقلىغان مەلۇماتنى ئۆچۈرۈۋەتسىڭىز بولىدۇ، سىز يەنە «ئاڭلىق تۇرمۇش» تا «مەن»> «تەڭشەك> «ھەققىدە» گە كىرىپ، «مۇلازىمەت ئېتىش» نى چېكىپ «ئاڭلىق تۇرمۇش» مۇلازىمىتىنى ئىشلىتىشنى توختاتسىڭىز ھەمدە «ئاڭلىق تۇرمۇش» ئەپى يەرلىككە ۋە مۇلازىمىتېرغا ساقلىغان شەخسىي ئۇچۇرنى ئۆچۈرۈۋەتسىڭىز بولىدۇ.
(4) ماقۇللۇقنى قايتۇرۇۋېلىش
ئۇچۇرلىرىڭىزنى بىر تەرەپ قىلىشىنى بىكار قىلماقچى بولسىڭىز، تۆۋەندىكى كەسىپلەرنىڭ ماس يولىغا كىرىپ ماقۇللۇقىڭىزنى قايتۇرۇۋالسىڭىز بولىدۇ.
«مەن» > «تەڭشەك» > «پۇرچاق مۇلازىمىتى» گە كىرىپ، پۇرچاق مۇلازىمىتىدىن چېكىنىپ چىقىپ، شەخسىي ئۇچۇرنى ئىشلىتىشكە بەرگەن ماقۇللۇقىڭىزنى قايتۇرۇۋالالايسىز.
«مەن» > «تەڭشەك» > «خۇاۋېي ئىشلەتكۈچىلەر تەسىراتىنى ياخشىلاش پىلانىغا قاتنىشىش» نى زىيارەت قىلىپ، ئىشلەتكۈچى تەسىراتىنى ياخشىلاش پىلانىدىن چېكىنىپ، شەخسىي ئۇچۇرنى ئىشلىتىشكە بەرگەن ماقۇللۇقىڭىزنى قايتۇرۇۋالالايسىز.
8 مۇلازىمەت ئېتىش
«ئاڭلىق تۇرمۇش» ئەپىنى ئېچىپ، «مەن» > «تەڭشەك» > «ھەققىدە» گە كىرىپ، «مۇلازىمەت ئېتىش» نى چېكىپ، شەخسىي ئۇچۇرلارنى ئىشلىتىشكە بەرگەن ماقۇللۇقىڭىزنى قايتۇرۇۋالسىڭىز ھەم «ئاڭلىق تۇرمۇش» مۇلازىمىتىنى ئىشلىتىشنى توختاتسىڭىز بولىدۇ، «ئاڭلىق تۇرمۇش» مۇلازىمىتىنى كېيىنكى قېتىم ئىشلەتكەندە قايتىدىن ئىجازەت بېرىش كېرەك. مەلۇمات سۇبيېكتلىق ھوقۇقىڭىزغا ئالاقىدار ھەرقانداق تەلەپ ياكى گۇمان، تەكلىپ ياكى پىكرىڭىز بولسا، مەزكۇر باياناتنىڭ «بىز بىلەن ئالاقىلىشىش» دېگەن بابىدىكى ئۇسۇل ئارقىلىق بىز بىلەن ئالاقىلىشىڭ ھەم ئالاقىدار ھوقۇقىڭىزنى يۈرگۈزۈڭ.
خۇاۋېي يانفونى/تاختا كومپيۇتېرىڭىزدا «تەڭشەك» > «ھېسابات مەركىزى» > «مەخپىيەتلىك مەركىزى» > «مەلۇماتىڭىزنى بىر نۇسخا ئېلىش» كە كىرىپ ياكى كومپيۇتېردا خۇاۋېي ھېسابى بىلەن خۇاۋېي مەخپىيەتلىك قورالى تور بېكىتى(https://privacy.consumer.huawei.com/PrivacyTool/index.html)گە كىرىپ، ئاندىن «مەلۇماتىڭىزنى بىر نۇسخا ئېلىش» نى چېكىپ، خۇاۋېي ساقلىغان خۇاۋېي ھېسابىڭىزغا مۇناسىۋەتلىك شەخسىي ئۇچۇرىڭىزنىڭ كۆپەيتىلمىسىگە ئېرىشسىڭىز بولىدۇ.
9 ئۇچۇر ساقلاش ئورنى ۋە مۇددىتى
يۇقىرىقى ئۇچۇرلار جۇڭخۇا خەلق جۇمھۇرىيىتى چېگراسى ئىچىدىكى مۇلازىمىتېرغا يوللىنىپ ساقلىنىدۇ.
بۇ باياناتتىكى مەقسىتىمىزنى ئەمەلگە ئاشۇرۇش ئۈچۈن زۆرۈر ۋاقىت ئىچىدە شەخسىي ئۇچۇرىڭىزنى ساقلايمىز ھەمدە تۆۋەندىكى ساقلاش مۇددىتىدىن ئېشىپ كەتسە، شەخسىي ئۇچۇرىڭىزنى ئۆچۈرىمىز ياكى نامسىزلاشتۇرۇپ بىر تەرەپ قىلىمىز، قانۇن-بەلگىلىمىلەردە باشقىچە تەلەپ قىلىنغانلىرى بۇنىڭ سىرتىدا.
«ئاڭلىق تۇرمۇش» كەسپىدە، شەخسىي ئۇچۇرلىرىڭىزنىڭ ئەمەلىي ساقلىنىش ۋاقتى تۆۋەندىكىچە:
«ئاڭلىق تۇرمۇش» ئەپىنىڭ يەرلىكتە ساقلانغان مەلۇماتىغا قارىتا، «ئاڭلىق تۇرمۇش» ئەپىنى ئۆچۈرۈپ، «ئاڭلىق تۇرمۇش» ئەپىنىڭ مەلۇماتلىرىنى تازىلىۋەتسىڭىز ياكى خۇاۋېي شەخسىي ھېسابىڭىزنى ئۆچۈرۈۋەتسىڭىز، بارلىق ساقلانغان مەلۇماتلار دەرھال ئۆچۈرۈلىدۇ.
مۇلازىمىتېردا ساقلانغان ئاڭلىق ئۈسكۈنە ۋە كەسىپ مەلۇماتىغا قارىتا، سىز «ئاڭلىق تۇرمۇش» تا ئۈسكۈنىنى ياكى كۆرۈنۈش كارتىنى ئۆچۈرۈپ خۇاۋېي ھېسابنى تىزىمدىن ئۆچۈرگەندە ياكى «مەن» > «تەڭشەك» > «ھەققىدە» گە كىرىپ، «مۇلازىمەت ئېتىش» نى چېكىپ ھەمدە «ئاڭلىق تۇرمۇش» مۇلازىمىتىنى ئىشلىتىشنى توختاتقاندا، بارلىق ساقلانغان مەلۇماتلار دەرھال ئۆچۈرۈلىدۇ؛ سىز «كۆرۈنۈشۈم» بېتىدە كۆرۈنۈش كارتىسىنى ئۆچۈرگەندىن كىيىن، كۆرۈنۈش كارتىسى ئۇچۇرى دەرھال ئۆچۈرۈلىدۇ.
مۇلازىمىتېردا ساقلانغان كەسىپ خاتىرىسى، ئىستاتىستىكا مەلۇماتى، يۈرۈتۈش پائالىيەت مەلۇماتى ۋە تارىخىي خاتىرىلەرنى مۇلازىمىتېردىكى ئۇچۇرلارنى تازىلىغاندا قەرەلسىز ئۆچۈرۈپ تۇرىمىز، مەلۇماتنىڭ ساقلىنىش ۋاقتى ئىككى (2) يىلدىن ئاشمايدۇ.
بۇنىڭ ئىچىدە چەك تارتىش، مۇكاپات ئالماشتۇرۇشقا مۇناسىۋەتلىك ئۇچۇر مەلۇماتلىرىنىڭ ساقلاش مۇددىتى ئىككى (2) يىل بولىدۇ.
مۇلازىمىتېردا ساقلانغان ئۈسكۈنە نەشر ئۆستۈرۈش مەلۇماتلىرىنى ساقلاش مۇددىتى ئادەتتە ئالتە (6) ئايدىن ئېشىپ كەتمەيدۇ. ئەمما بۇ مەلۇماتلار كەسپىي تىجارەت ئەھۋالىنى ئانالىز قىلىشقا ئىشلىتىلگەندە، ساقلاش مۇددىتى يەتتە (7) يىلدىن ئېشىپ كەتمەيدۇ.
خۇاۋېي ھېسابىنى ئىشلەتسىڭىز، بۇ مەخپىيەتلىك باياناتىدا دېيىلگەن شەخسىي ھېسابات ئۇچۇرىڭىزنى داۋاملىق ساقلاپ، خۇاۋېي ھېسابى ۋە ئالاقىدار خۇاۋېي مۇلازىمەتلىرىنى راۋان ئىشلىتىشىڭىزگە كاپالەتلىك قىلىمىز. ھېسابات ئۆچۈرگەندىن كېيىن، ھېساباتىڭىزدىكى بارلىق ماتېرىيال، ھۆججەت ۋە زاپاسلاپ ساقلىغان مەزمۇنلارنى مەڭگۈلۈك ئۆچۈرۈۋېتىمىز.
بۇنىڭدىن باشقا، مەھسۇلات ياكى مۇلازىمىتىمىزدە تىجارەتتىن توختاش ئەھۋالى كۆرۈلسە، ئىتتىرمە ئۇقتۇرۇش، ئېلان قىلىش قاتارلىق ئۇسۇلدا سىزگە ئۇقتۇرىمىز، ھەمدە مۇۋاپىق مۇددەت ئىچىدە شەخسىي ئۇچۇرىڭىزنى ئۆچۈرىمىز ياكى نامسىزلاشتۇرۇپ بىر تەرەپ قىلىمىز.
10 ئىشلەتكۈچىنىڭ مەنپەئەتىگە چېتىلىدىغان ئەسكەرتىشكە تېگىشلىك باشقا ئىشلار ۋە جاۋابكارلىقنى كەچۈرۈم قىلىش سەۋەبى
«ئاڭلىق تۇرمۇش» ئەپ ئارايۈزىدە ئۈچىنچى تەرەپ تور بېكەت ياكى تىزگىنلەش ئارايۈزىگە كىرسىڭىز، تېز، قولايلىق مۇلازىمەتتىن بەھرىمەن بولالايسىز. بۇ ئارا يۈزنى ئۈچىنچى تەرەپ مۇستەقىل تەمىنلىگەن، خۇاۋېي بەتنىڭ مەزمۇنى، مۇلازىمىتى، ئۇچۇرلىرى قاتارلىقلارغا ئېنىق ياكى يوشۇرۇن كاپالەت بەرمەيدۇ.
سىز بىلەن ئۇلانغان تور بەتنىڭ ئالاقە ھەرىكىتىگە مۇستەقىل ھۆكۈم چىقىرىشىڭىز كېرەك. ئۈچىنچى تەرەپ بېتىگە تۇنجى قېتىم كىرىشتىن بۇرۇن، ئۈچىنچى تەرەپ مۇلازىمەت تەمىنلىگۈچى سىزگە مۇناسىۋەتلىك كېلىشىم ۋە مەخپىيەتلىك باياناتىنى كۆرسىتىدۇ، بۇ كېلىشىم ۋە باياناتنى ئەستايىدىل ئوقۇڭ. بۇ ئۈچىنچى تەرەپ شىركەت خۇاۋېي ھېسابىڭىزنىڭ تۇغۇندى ئوچۇق كىملىكىنى ئىشلىتىپ مەلۇمات توپلايدۇ. يۇقىرىدىكى مەلۇماتنى ئۈچىنچى تەرەپ مۇستەقىل بىر تەرەپ قىلىدۇ، خۇاۋېي بۇ بۆلەك مەلۇماتقا يېقىنلىشالمايدۇ.
11 بىز بىلەن ئالاقىلىشىش
شەخسىي ئۇچۇرلارنى قوغداشقا مەسئۇل خادىم بەلگىلىدۇق، بۇ ئۇلانما(https://consumer.huawei.com/cn/legal/privacy-questions/) ئارقىلىق شەخسىي ئۇچۇرلارنى قوغداشقا مەسئۇل خادىم بىلەن ئالاقىلەشسىڭىز بولىدۇ. مەخپىيەتلىك مەسىلىلىرى بېتى (https://consumer.huawei.com/cn/legal/privacy-questions/) ئارقىلىق بىز بىلەن ئالاقىلەشسىڭىز بولىدۇ، تېز جاۋاب قايتۇرىمىز.
جاۋابىمىزدىن رازى بولمىسىڭىز، بولۇپمۇ شەخسىي ئۇچۇرلارنى بىر تەرەپ قىلىشىمىز قانۇنلۇق ھوقۇقىڭىزغا زىيان يەتكۈزگەن بولسا، باشقۇرۇش تەۋەلىكى ھوقۇقى بار بولغان خەلق سوت مەھكىمىسىگە ئەرز سۇنۇش، كەسىپ باشقۇرۇش جەمئىيىتى ياكى ھۆكۈمەتنىڭ مۇناسىۋەتلىك باشقۇرۇش ئاپپاراتلىرىغا ئىنكاس قىلىش قاتارلىق ئۇسۇللاردا ھەل قىلسىڭىز بولىدۇ. مۇۋاپىق كېلىدىغان ئالاقىدار شىكايەت قىلىش يولىنىڭ ئۇچۇرىنى بىزدىن بىلىۋالسىڭىز بولىدۇ.
خۇاۋېي ئىزچىل بىزنىڭ مەخپىيەتلىك تۈزۈمىمىزگە بويسۇنۇپ شەخسىي ئۇچۇرىڭىزنى توپلايدۇ ۋە ئىشلىتىدۇ. ئالاقىدار مەخپىيەتلىك تۈزۈمىمىزنى،خۇاۋېي ئىستېمالچىلار مۇلازىمىتىنىڭ مەخپىيەتلىك باياناتى(https://consumer.huawei.com/minisite/legal/privacy/statement.htm?code=CN&language=ug-CN)دىن ئوقۇسىڭىز بولىدۇ.